我杯茶 (永興樓)

营业中

休息中

上年同大少已经试过呢度嘅午餐,之后一直都只系经过买外卖奶茶，直至上次买奶茶嘅时候，见到佢有新嘅午市套餐所以决定返兜。本来我一直都想试吓佢个仙草面，后尾入到舖头，心大心细最后决定叫咗姜葱鸡饭，大少就叫咗咖喱猪扒饭。平时我哋饮冻奶茶，今次决定一齐饮冻鸳鸯。个咖喱猪扒饭，都系半煎炸完啲猪扒上面，放咖喱汁，𠮶啲咖喱汁又同茶餐厅冇乜分别。我个碗饭就铺满葱油鸡，头𠮶一，两旧鸡比较嚡，之后𠮶几旧就滑返啲。姜葱再唔系太咸，我都用咗少少嚟捞饭。可能疫情关系，所以舖头都冇乜人食饭，我哋两个都坐得比较松动，$60一个餐有饭有冻饮都可以讲系平靓正。