和味館 (已結業)

睇完戏, 去兆万行咗个圈, 见呢间放题唔使等位, 又已经有几枱食客, 所以攞位入座！有刺身/寿司/火锅/烧物/连炒饭,炒贵刁都有, 选择多完化！先食刺身，三文鱼切得厚厚 ; 带子, 北寄贝, 甜虾等, 都好新鲜。再食烧物, 有羊架（好香, 唔会过熟，而且冇膻味）, 带子, 鸡翼, 脆肉瓜和茄子, 味道唔错。炒蚬, 青口都几辣, 我食咗少少, 其他的朋友清哂, 佢话够辣, 啱哂佢口味！另外都试咗炒饭同贵刁, 炒饭直得一赞, 好干身, 而且唔油, 又香, 材料又多（色括有三文鱼, 蟹子, 粟米粒等）！贵刁都唔差, 不过我哋钟意炒饭多D！最后系甜品时间, 选了麦提莎糯米糍和北海道牛乳 （侍应话系佢哋自家制的）; 北海道牛乳好滑, 而麦提莎糯米糍虽然只是麦提莎外面包层糯米, 但喺出面好少有, 都算有心思！走时全场爆满，好在早食饭。食完返屋企上OpenRice睇睇食评, 见到有好多劣评, 但我今次试又好似冇咁差！