川味坊 (中海日升中心) (已結業)

见新店试业，就试下佢手势，以$50价位来说，食物水准偏低。 分量少，用料一般属工厦食堂最平的材料，堂食米线太过林。座位少，但坐得不算迫。餐具全部用即弃，外卖的口感，都唔紧要。 服务很失望，体验不太愉快。我叫了一个$50的牛腩溏心蛋米线，来错了个$47猪扒鸡排米线，但因为我投入与朋友聊天，楼面一摆低就开始食咗几啖，心谂点解有骨嘅呢，先至醒起原来佢嚟错嘢。想换咗佢，店员问我介唔介意要咗佢，我话唔想要哩呢款，想要返我order. 佢就话但系你已经食咗。（问我介唔介有咩意义？？）咁我话食咗两啖一系我补返钱啦，总之换返佢。佢又唔出声... 将个波推比厨房。 厨房话得，于是我返埋位。佢都有再送返啱上嚟，用之前𠮶碗食过嘅，加返啱个𩠌。 虽然唔系太好睇，但都叫补返啱，咁就算啦... 未去到好差，但真系唔太愉快。 嚟错嘢搞到好似我食嘢食错系罪人咁。要喺出面食米线，除咗三哥同少数ok嘅小店之外，真系好多都伏... 有阴影...猪扒属两𩠌饭级数，牛腩唔合格，溏心蛋正常，汤底正常，冻饮正常，地方清洁，店员有啲ok, 有啲唔识捞。 不过米线咁林，估计外卖应该更林。