Glasshouse (太古城中心)

营业中

休息中

一开始抱住期待嘅心情，因为睇到啲食物相都几靓。但食物嚟到之后，啲嘢食完全唔热，唔知系reheat 得唔够定放凉咗。叫咗个磨菇汤，有只温泉蛋，都几特别。不过就好似一包即食嘅汤包翻热咁样，味道一般。另外叫咗一碗鹅肝牛肉饭，汁系另上。想要多汁，waiter俾多一份汁俾我👍🏻但牛肉得2,3片，有啲太少。最令我诧异嘅系水吧个边个职员，倒咗杯西柚汁出嚟后，突然闻下樽果汁。转个头倒咗个杯，再系雪柜攞支新嘅出嚟倒。好难想像如果佢无发现变坏咗俾咗我饮会点。虽然系无，但个感觉唔系太好。整体嚟讲，环境ok，食物卖相ok。但味道普通，唔值咁嘅价钱同地点。