燒鳥亭 (已結業)

睇到食评谂住唔错, 所以嚟试, 结果令我大失所望。首先, 每样串烧都要一定要叫两串, 而每一串都起码要成$20, 我唔明白点解佢唔可以叫一串, 咁一个人嚟食嘅话咪每款都一定要食两串? 就算我地两个人, 以同样嘅价钱, 都唔可以试多一d款。佢烧嘅时候都系一条条烧啦, 都唔明对佢有咩损失。其实价钱都唔系一个问题, 只要好食嘅话, 之不过我叫咗几款嘢食, 好似样样味道都系差唔多, 都系腌都一样味, 得个咸字。安格斯牛肉不怕靭, 不过略厌太熟, 因为睇到里面熟晒, 只可惜食唔到香嘅牛肉味, 可能腌料味盖咗。鸡皮烧得太硬, 剑鱼腩又太熟, 感觉好似食班腩咁。系得最后有一碟芥棘鸡肉比较好, 味道有d唔同同埋鸡肉唔怕’鞋’。好彩开头叫咗每人六串嘢, 食完即刻走人, 每人都要埋单$190, 食唔饱去隔离食碗清汤腩依肚好过。