影片
更多
2022-07-16
183 浏览
同狗狗爸爸一齐搭咗程车，嚟到呢间餐厅。今日天气好热好热，室内温度接近32度，何况室外？虽然叫车差唔多系点对点，不过，到咗餐厅果一刻，已经标晒汗喇。我哋都知，哪怕系宠物友善餐厅，好多都系讲紧人同宠物坐室外，而呢间餐厅都冇标明系宠物友善，所以，我哋系预咗坐外面架，只系由于冇瓦遮头，所以喺酷热天气下，真系人同狗都差啲顶唔住。我哋订咗位，到达后，侍应就喺店外开咗台同櫈俾我哋。点咗餐牌上的2款brunch：全日早餐同大啡菇露笋意粉，跟餐有餐汤，而餐饮我哋就分别加钱（特饮/咖啡半价），点咗冻薄荷朱古力同埋Dirty。餐汤先上，系蘑菇汤。饮落觉得好似金宝蘑菇汤。汤系用一只细茶杯装住，装唔满，基本上三两啖已饮晒。全日早餐卖相几靓，食物亦好丰富，系狗狗爸爸点既。问佢点，佢就话都系一般的全日早餐。撇开食物质素，其实喺烈日当空下进食，胃口或多或少受影响~~大啡菇露笋意粉卖相唔错，配料、份量睇落亦足，露笋系幼身果种。我见到个意粉后期望几高，觉得佢咁靓，应该都会好食。点知，叉咗一撮嚟食，我就觉得唔系好对版。。。点解意粉咁稔既？做唔到al dente都不足以形容，佢系太稔，好似茶餐厅食到的茄汁猪扒意果啲意粉咁，绝
点咗餐牌上的2款brunch：全日早餐同大啡菇露笋意粉，跟餐有餐汤，而餐饮我哋就分别加钱（特饮/咖啡半价），点咗冻薄荷朱古力同埋Dirty。
餐汤先上，系蘑菇汤。饮落觉得好似金宝蘑菇汤。汤系用一只细茶杯装住，装唔满，基本上三两啖已饮晒。
全日早餐卖相几靓，食物亦好丰富，系狗狗爸爸点既。问佢点，佢就话都系一般的全日早餐。撇开食物质素，其实喺烈日当空下进食，胃口或多或少受影响~~
大啡菇露笋意粉卖相唔错，配料、份量睇落亦足，露笋系幼身果种。我见到个意粉后期望几高，觉得佢咁靓，应该都会好食。点知，叉咗一撮嚟食，我就觉得唔系好对版。。。点解意粉咁稔既？做唔到al dente都不足以形容，佢系太稔，好似茶餐厅食到的茄汁猪扒意果啲意粉咁，绝对失色~~一路食，一路爆汗，而且因为碟意粉水准麻麻，我心谂，嚟错喇
就喺我哋食到一半，2杯饮品送到，而佢哋就为餐厅挽回一局。薄荷朱古力几靓，第一眼以为佢的味道会好淡，因为杯的下截系朱古力的啡色，上面就系奶的白色，谂住咁样一半一半，朱古力味可能好淡，点知又唔系㖞，而且薄荷味几出，好清新呀！杯朱古力够冻，成为咗我哋的救星！
Dirty的layering就调番转，下面系白色（冻奶），上面系咖啡的啡色，而最顶就系咖啡的crema。咖啡好饮呀，而冻奶的温度都帮手降温。
整体而言，呢度的食物质素非常一般，不过饮品又真系几好，而餐厅亦有唔少细致、花心思的装饰布置，影相会几靓。既然元朗有咁多好嘢食，我建议可以先去第二度医肚，然后再嚟叹杯嘢，打下卡，唔带宠物的话，盛夏坐里面叹冷气，应该几chill~
张贴
