影片
更多
2023-08-20
839 浏览
2023年8月某个平日，约咗朋友去元朗hea行山，去到朋友竟然仲未起身，好啦，我揾间酒楼等佢。Google一下就去呢间大集团既，唔一定好食，但应该比较稳阵。好歹系个食评，先讲食物吧饮茶饮茶，最先梗系试下啖茶，自动煮水壶可以煮到100℃，但用嚟煮铁观音就太高了。茶叶独立包装，似大陆，滚水摊冻少少先泡，茶味都够，有甘香味，OK。最先嚟既点心系萝卜糕，薄薄小小既两件，比大X乐既大少少，松松散散，快餐店既味道。之后嚟既系叉烧肠，粉皮较干硬，叉烧味道正常，豉油偏咸。之后就系虾饺烧卖，虾饺虾有啲梅，唔弹牙，皮散易烂。烧卖系今餐最好食，肉香弹牙，虽未系最高品但都中上。然后系山竹牛肉，今餐最难食既食物，腐竹硬，牛肉球都硬，仲要臊，仲差过叮叮点心。最后系凤爪排骨饭，浓味，算好食，可惜油太多，整碗饭都系油，湿立立，比较难入口。埋单75.5，六款点心，一位茶，虽然有啲点心唔足一碟，但性价比依然唔错。讲完食物，想讲环境态度，呢啲虽然唔系食物，但绝对系会影响食欲既一环。环境装修古典，感觉高级，可惜系职员态度同服务水平严重低下，令人无法好好享受一餐。一入门，知客位无人，一班茶客系门口等，我一支公，揿飞仔先，揿唔到
Google一下就去呢间大集团既，唔一定好食，但应该比较稳阵。
好歹系个食评，先讲食物吧
饮茶饮茶，最先梗系试下啖茶，自动煮水壶可以煮到100℃，但用嚟煮铁观音就太高了。茶叶独立包装，似大陆，滚水摊冻少少先泡，茶味都够，有甘香味，OK。
最先嚟既点心系萝卜糕，薄薄小小既两件，比大X
乐既大少少，松松散散，快餐店既味道。
之后嚟既系叉烧肠，粉皮较干硬，叉烧味道正常，豉油偏咸。
之后就系虾饺烧卖，虾饺虾有啲梅，唔弹牙，皮散易烂。烧卖系今餐最好食，肉香弹牙，虽未系最高品但都中上。
然后系山竹牛肉，今餐最难食既食物，腐竹硬，牛肉球都硬，仲要臊，仲差过叮叮点心。
最后系凤爪排骨饭，浓味，算好食，可惜油太多，整碗饭都系油，湿立立，比较难入口。
埋单75.5，六款点心，一位茶，虽然有啲点心唔足一碟，但性价比依然唔错。
讲完食物，想讲环境态度，呢啲虽然唔系食物，但绝对系会影响食欲既一环。
环境装修古典，感觉高级，可惜系职员态度同服务水平严重低下，令人无法好好享受一餐。
一入门，知客位无人，一班茶客系门口等，我一支公，揿飞仔先，揿唔到既？搞咗十几秒，旁边大妈突然无声插入揿咗先，虽然吓一跳，但至少证明部机无坏。又搞一阵先见个职员走出嚟，第一句就话一个揿唔到架，啊，原来系咁，咁点解唔写出嚟搞到我成个傻仔咁一直揿。
不过职员效率快，一手指住门口叫我坐𠮶个孤独位，几好，够独立无其他人骚扰，就系坐咗呢个位，短短一个钟睇到好多精彩嘢。
首先见到一堆乱碗碟放满隔篱枱，好耐都无人收。之后见到自己张孤独枱得一对碗筷，其他都无。
等一阵，终于有职员过嚟问咩茶，然后就系一轮埋怨，中间夹杂粗口，闹既唔止系同事，厨房，稻香既office，更甚系闹催单既茶客，入咗场既客人。
粗口同闹人既内容不便在此说明，但绝对系儿童不宜，不幸既系，同场等位既有唔少小孩，老人家一家大细。呢啲粗口虽然未必引起不安，但绝对系会引起反感。
目测酒楼内仲有吉枱，职员都至少有六七个，应该人手够，但奇怪，当日经常出现无人执枱，无人开茶，点心要等30分钟以上先有，客人催单要被闹，职员充满怨气。到底，呢个系管理问题？职员问题？定系客人问题？
最近好多人讲香港既市道一潮死水，夜晚静英英无人食饭消费，反向一河之隔既深圳餐厅就夜夜笙歌，究竟系咪因为香港无夜市？定系香港既餐厅除咗贵之外，仲要服务质素茶赶客？
大家一齐思考下。
滚水
21 浏览
0 赞好
0 留言
萝卜糕
16 浏览
0 赞好
0 留言
叉烧肠
24 浏览
0 赞好
0 留言
虾饺烧卖
16 浏览
0 赞好
0 留言
食咗腐竹既山竹牛肉
13 浏览
0 赞好
0 留言
食咗几啖既凤爪排骨饭
10 浏览
0 赞好
0 留言
张贴
