一人前拉麵

营业中

休息中

原来亦都有好一阵子无写食评了。今次因开会入到黎元朗，都真系好耐无黎过，但系元朗都仲系好似以前咁。开会后准备返市区，误打误撞路过一间装修好日式既拉面店（不过个门牌就好港式咁大大只拉面两个字挂住系度）。不过咁耐未入过元朗就试下元朗食肆既水准，入到去即刻听到始起比落既招呼（好港式，一啲都唔齐）。不过到正题，同市区既拉面店好类似，都系得好少款，同埋有得选择要咩唔要咩，睇相4款都好似唔错咁，不过我习惯去未食过既拉面店都会食返原味，加上佢价钱唔贵，咁就叫左个白前。黎到闻到好香，一黎就指定要饮汤先，好热但系几香几好饮，仲好重肉香， 好想即刻饮第二啖。再黎啖面，一般，好似啲中式面咁，即刻扣返分，再食个叉烧，好淋好浓肉味，我谂系我近黎食过最好食既叉烧。近年香港黎左好多拉面店，有好食有唔好食，呢间算系好食既一间。不过地点问题，我再入去我谂会唔识点行，但系再有机会我会黎试埋其他味。