影片
更多
2023-01-30
386 浏览
「鲔世市场」系将军澳开店嘅时候我已经帮衬，该店座位唔多，即使每次要排队都无阻我嘅雅兴。其后佢搬大舖，搬咗去旺角花园街，我之前食过一次晏，发觉水准保持到👍，所以就约埋朋友晚市再食过。呢度环境唔错，虽然话间舖大咗，不过座位都系得廿几个左右，而其中有一边系吧枱位，可以睇住师傅搓寿司👨🏻🍳，就好似贵价料理店一样，哈哈。餐厅采用QR Code落单，非常方便📲。如果唔系太多客人，我建议分开几次嗌，咁就可以即整即食，确保喺最佳状态下食用。寿司卖相好得🍣，醋饭微暖，酸度适中，而且鱼生普遍都切得大块。寿司款式繁多，定价有平有贵，无论想平食定豪食都得，丰俭由人。比较经济、大件夹抵食嘅代表有特大赤海虾($9)、北寄贝($9)同三文鱼腩($12)。🦐赤海虾口感绵得嚟又带少少爽口。海盐轻烧大本鲔鱼腩($48)，🐟鲔鱼即系呑拿鱼，鲔鱼腩肥美，用上海盐轻烧，我觉得比起就咁食拖罗更有层次，而且一啲都唔腥。🔥火炙系列一向系我嘅最爱，我哋见住师传火炙得好有心机，所以每片鱼生都烧得均匀，而且用芝士沙律酱调味唔会过火，无盖过海鲜本身嘅味道。图中嘅系火炙三文鱼($9)以及火炙三文鱼腩($18)，两款三文鱼味道分别其实唔太大，
「鲔世市场」系将军澳开店嘅时候我已经帮衬，该店座位唔多，即使每次要排队都无阻我嘅雅兴。其后佢搬大舖，搬咗去旺角花园街，我之前食过一次晏，发觉水准保持到👍，所以就约埋朋友晚市再食过。
呢度环境唔错，虽然话间舖大咗，不过座位都系得廿几个左右，而其中有一边系吧枱位，可以睇住师傅搓寿司👨🏻🍳，就好似贵价料理店一样，哈哈。
餐厅采用QR Code落单，非常方便📲。如果唔系太多客人，我建议分开几次嗌，咁就可以即整即食，确保喺最佳状态下食用。
寿司卖相好得🍣，醋饭微暖，酸度适中，而且鱼生普遍都切得大块。寿司款式繁多，定价有平有贵，无论想平食定豪食都得，丰俭由人。比较经济、大件夹抵食嘅代表有特大赤海虾($9)、北寄贝($9)同三文鱼腩($12)。🦐赤海虾口感绵得嚟又带少少爽口。
海盐轻烧大本鲔鱼腩($48)，🐟鲔鱼即系呑拿鱼，鲔鱼腩肥美，用上海盐轻烧，我觉得比起就咁食拖罗更有层次，而且一啲都唔腥。
火炙三文鱼腩
$18
10 浏览
0 赞好
0 留言
另外两款火炙寿司系火炙帆立贝($24)同火炙左口鱼裙边($16)，🐚帆立贝够厚切，肉质细嫩又鲜味。当年我第一次食左口鱼边就系喺将军澳店，炙烧后将鱼嘅油脂迫晒出嚟，其他地方做唔到同样效果，到而家我都觉得鲔世嘅出品系世一🥇。
厚切火炙鹅肝($48)，寿司店嘅鹅肝竟然可媲美酒店西餐嘅水准🤤。首先鹅肝又厚又大块，炙烧完之后变成外脆内软，完美演绎何谓入口即溶。食落有少少漏，不过最重要系唔腥，亦无膶味。伴旁嘅自家制烧玉子($9)，则属正常水平，甜度适中，而且印上店舖招牌「鲔」字。
北海道白鸟贝刺身
$36
13 浏览
0 赞好
0 留言
炸软壳蟹手卷
$38
22 浏览
0 赞好
0 留言
北海道海盐炸甜虾
$58
9 浏览
0 赞好
0 留言
日式炖蛋($22)，🥚茶碗蒸都OK，起码蒸蛋够滑溜，又几足料，但高汤味比较淡，唔够某连锁店好食。
东京人气芝士蛋糕
$22
6 浏览
0 赞好
0 留言
厚切火炙鹅肝
$48
19 浏览
0 赞好
0 留言
火炙左口鱼裙边
$16
18 浏览
0 赞好
0 留言
总括嚟讲，鲔世市场绝对不容错过🎌，食材质素不俗，师傅有功架，而客人亦唔需要用昂贵嘅价钱就可以体验到。我认为餐厅值得推介！
张贴
