Kuru Kuru自家製手作意粉 (已結業)

我从未食过自家制嘅意粉，行过见到写住自家制意粉，我心谂究竟同我喺超市买嘅意粉有乜唔同呢，就去食吓先知！呢间餐厅装修好清新，俾人感觉好休闲，而餐牌入面有好多款意粉，我就拣咗意式肉丸配牛豚肉酱，而我朋友就拣咗溶岩芝士温泉玉子卡邦尼！每款意粉仲可以加$25有埋餐汤、沙律及饮品，饮品我拣咗冰茶。沙律菜都算爽脆新鲜，而家沙律酱一啲都唔吝啬，好多酱呀，唔错！今日嘅餐汤就系粟米汤，都算清甜。我朋友嘅溶岩芝士温泉玉子卡邦尼嚟咗先，满满芝士遮盖住入面啲意粉，我夹起嚟食咗一口，芝士味就无我想像中咁浓，但流心蛋汁加返粉，食落都几match！我𠮶个意式肉丸配牛豚肉酱都嚟埋，买相同餐牌幅相一样，有四粒肉丸，咬落去啲肉丸唔干之余仲要系有肉汁，再配埋鲜茄酱，好好食！自家制意粉形状扁而粗厚嘅口感，好有咬口！如果我呢碟可以加少少芝士味道会再出色啲 ！要赞下杯冰茶，杯茶唔会好甜，入面仲有两旧鲜橙，当食完个意粉后，食埋橙，清清口腔味，好满足呀！其实呢间餐厅入面仲有拉面食，下次一定要食吓先！