慶吉家 (已結業)

今日落好大雨见到有楼上日本餐就上去食d野避一避，点知遇上坏升降机，叔叔话打风之后入过水，成日都坏。等左15分钟左右，有一部䢂开返可以上去。冷气就冇乜，有几部风机系到吹，落雨怕吹风病，叫职员可唔可以关左去。佢话唔得，一边口噏噏帮我推开就算。态度超级差！想静静地坐下，点知个电视教到超级大声，音乐又教到超级大声，个大陆阿姨讲嘢又超级大声。谂住快快食完个猪骨拉面同鸡软骨串烧就走。点知埋单嘅时候企系度等左好耐，佢地见到有人埋单，但点都要做完自己嘢先过嚟帮你。我企系度等嘅时候。见到入边厨房个阿叔一边食烟一边整拉面，整跌咗d粟米，就咁拎返上去个面到。见到门口好似有包牛肉定唔知系猪肉，见到系灰黑色既！！我心谂好彩冇食果d肉！总结嚟讲，呢间野既卫生情况超级差，员工态度又差，个大陆阿姨同阿叔系咁轮流过黎叫我加小食食，而家终于知道点解叫我加嘢食，我估可能佢再卖唔到系嘅话就要掉哂去，所以不停叫人地加嘢食。今次上去之前冇睇吓OpenRice真系濑晒嘢。