Rabbitland Cafe

营业中

休息中

首先环境恶劣，地上面差唔多都系草，服务员就叫我哋坐系地上面？空间亦都好细，好热好唔舒服咁。其次就系𠮶啲嘢食都唔系佢地整嘅佢地系叫外卖，我食咗个$108嘅套餐，里面嘅嘢出面买可能都唔使呢个价，杯嘢饮单买就$68，应该系包埋入场费，但系我觉得如果佢俾呢d野饮嘅话咁仲不如直接要我地俾入场费。一开始我仲以为会系𠮶啲独家自制嘅饮料，我就话咁都可以呀如果系自己整嘅出门差唔多都系呢个价，但系佢唔系，一杯$10左右可以买到嘅维他奶，佢呢度卖$68？佢同食评嘅菜完全唔一样，都唔知系唔系佢地请返黎嘅水手。同埋佢𠮶度嘅兔仔都未到系好靓𠮶啲，仲要瞓晒觉，唔可以抱出黎，佢净系抱咗一只出黎，搞到𠮶一只兔仔就俾人围住晒，其余嘅兔仔都唔系好活泼，拎住野食去喂佢佢就理你，一唔系就唔理。