上海婆婆336 (iSQUARE國際廣場)

营业中

休息中

今次我黎到iSquare嘅上海婆婆，佢係做緊半自助餐嘅形式，首先係可以揀要雞定係酸菜魚。而我哋就揀咗酸菜魚做主菜。 酸菜魚佢嘅魚身都係比較滑同彈牙嘅。酸味係夠嘅但就唔夠辣。而我最期待嘅就係有任食嘅小龍蝦，佢呢個係麻辣味。呢個小龍蝦真係相當嘢味同埋真係夠晒辣，令到人哋忍唔住食完再食。黑松露小籠包都唔錯，黑松露未到夠重，加埋小籠包肉汁鮮嫩，真係絕配。至於甜品方面，我會比較鍾意食酒釀丸子同埋冰粉。酒釀丸子食完個肚暖粒粒，至於冰粉就好解辣。