禮 (打鼓嶺道)

营业中

休息中

九龙城点止有好好食嘅泰菜，原来有一间咁好食嘅日式串烧居酒屋！一坐底，店员会放低餐前小食，辣辣哋🤣跟住我哋睇睇餐牌，呢间小店有好多特色串烧，例如富士苹果烟肉串，妈妈咸蛋猪肉串等等！第一次见喳！首先上菜嘅系清酒煮蚬！我哋先试试个汤，好清甜啊，有胡椒味，有少少似胡椒猪肚汤🤣，但其实唔系好浓胡椒味，啱啱好！酒味又唔会过浓，蚬好大只同好新鲜！赞👍🏻第二样就系蟹膏玉子烧！呢个玉子烧真系不得了！劲好食！必食呀！玉子煮得刚刚好，好滑，唔会太厚，又有蛋汁，入面夹住好香浓嘅蟹膏，每一啖都有丰富嘅蟹膏味，劲好食😋第三样蟹籽沙律！估唔到咁大碟！上面有好多沙律酱，下面又有黑醋汁！仲有好多蟹籽同蟹柳丝，好耐无食过咁足料蟹子沙律！跟住食食下，老板突然拎个幸运轮比我地抽奖，我哋中左生啤一位，任饮！正呀！第四样富士苹果烟肉串同鸡软骨肉棒！富士苹果串，食落个感觉好似菠萝肠仔咁😂，哈哈，唔系个味道似，纯粹系个feel似。苹果烧完仲好爽口，正！鸡软骨肉棒个烧汁好正呀！最后我哋叫咗芝士年糕！好好食！芝士味劲浓！赞！整体来讲，串烧店嘅服务好好，又会同我哋串烧要耐少少，又有得抽奖！我哋都会再食过😋下次试新嘢！