影片
更多
2014-06-23
1372 浏览
"二人同行，一人免费"这口号喺健身广告听得多，点会想到打边炉都会有如此优惠呢！冇错，所讲既就是这家似做街坊生意既海宝渔港，打正"四人同行，一人免费"既旗号，折实埋单每人平均只需$96，百元有找，仲平过日牛等火锅放题，而且任食两小时，见咁抵，就即管嚟试下啦！初时谂住咁平，大家冇乜期望，谂住食味不过不失已偷笑，谁知... 真系不得了！火锅汤底一般，但啲火锅料真系估你唔倒咁好味，黑椒牛丸大粒得来黑椒味够，牛丸亦实得嚟弹牙，不会像平价食肆的将货就价俾面粉丸你食；墨鱼丸亦一样，弹牙又咬到墨鱼粒。芝士肠亦唔系双X牌𠮶啲唔好味既货色，而偏向金妹爆酱既芝士肠，让人吃完一条再追吃，正！而且杂丸不是一堆乱砌咁上枱，而系排得整齐，亦不会计住计住每人一粒咁小家，又赞！肥牛卖相属一般，但牛味够，肉汁连同汤汁充斥口腔，每人连扫两碟都冇问题。海虾也可以任点任吃，肉质弹牙，唔脢，亦是新鲜回本之选。全晚唯一要弹既系𠮶扎金菇，睇相见倒佢黄"禁禁"就令人觉得唔新鲜啦！所以我地都唔敢放入汤度。整体嚟讲，一百蚊都唔驶既任饮任食火锅，唔逼人，食物质素唔错，真系抵到冇朋友，冇乜地方可以食倒，希望海宝keep住个质素，下次再烚过痛快
初时谂住咁平，大家冇乜期望，谂住食味不过不失已偷笑，谁知... 真系不得了！火锅汤底一般，但啲火锅料真系估你唔倒咁好味，黑椒牛丸大粒得来黑椒味够，牛丸亦实得嚟弹牙，不会像平价食肆的将货就价俾面粉丸你食；墨鱼丸亦一样，弹牙又咬到墨鱼粒。芝士肠亦唔系双X牌𠮶啲唔好味既货色，而偏向金妹爆酱既芝士肠，让人吃完一条再追吃，正！而且杂丸不是一堆乱砌咁上枱，而系排得整齐，亦不会计住计住每人一粒咁小家，又赞！
肥牛卖相属一般，但牛味够，肉汁连同汤汁充斥口腔，每人连扫两碟都冇问题。
海虾也可以任点任吃，肉质弹牙，唔脢，亦是新鲜回本之选。
全晚唯一要弹既系𠮶扎金菇，睇相见倒佢黄"禁禁"就令人觉得唔新鲜啦！所以我地都唔敢放入汤度。整体嚟讲，一百蚊都唔驶既任饮任食火锅，唔逼人，食物质素唔错，真系抵到冇朋友，冇乜地方可以食倒，希望海宝keep住个质素，下次再烚过痛快呀！
张贴
