何必館 (已結業)

晚晚要食住家菜，最苦嘅相信都系家中最为食嘅大肥爸爸，每隔几日佢就会话想去边度边度，由开头单凭记忆都演变成写埋清单！晚市一开，肥肥家族第一炮就试咗最近屋企嘅「何必馆」。据悉大厨出自名人饭堂「福临门」，其后曾被刘富商私有化，来头绝不惹少；现于新店担当主理一职已不用管太多了，店名莫非寓意著要豁出去？！间隔以木为主嘅中菜厅设有数间私人厢房，分别可容纳二至十六人。用餐大堂简单以中式屏风装饰，收银处则摆放著和风招财猫，传统嘅风格似乎系会接受来自外国嘅构思㖞。服务生专业有热诚，态度和蔼友善。四人被安排入座厅内近窗嘅圆枱，配上厚垫椅櫈，舒适阔落。舖上枱布嘅餐桌上除咗每位席上摆有齐备嘅自用及公用餐具之外，亦有提供湿纸巾及口罩套，卫生意识极强。因深知传统功夫菜有部份需时备制，所以订座时已经写咗几道𩠌。中英对照嘅厚本餐牌共有十三页之多，其中最后一页列出杂项收费详情，包括茶钱（$20/位）、切饼费（$100/个）及开瓶费（$200/樽）；眼见网上资料未为齐全，细佬就藉此机会续一上载。蟹皇海虎翅（$1,580/位）：为咗要试多几款菜，所以就订咗两碗妈咪想食嘅蟹皇海虎翅分，厨房好有心地预先分好四个半碗，认真体贴。