影片
更多
2011-04-30
14 浏览
呢个标题系取自我在FB分享我呢个可怕经历时，一个朋友俾既回应，真系贴题到不得了。本人好少写食评，但呢间野真系令我忍唔住要出山写佢一写。同男朋友去西贡食饭，本身我地都系西贡友，之前有间好正既车仔面执左笠，突然灵光一闪话去松记试下佢既车仔面，点知换来悲剧收场。八点半前入到去，个阿姐已经好似好唔耐烦系咁叫人落车。好唔客气咁问，你要面定米线......好啦，食车仔面梗系要食油面啦，叫完之后，先点送。我话要一号餐，佢话当中有两样送无既，咁都算。想换个啲送，又话呢样唔换得，𠮶样唔换得。算﹗我就只叫萝葡、猪红同鱿鱼。埋到位，一食啲鱿鱼，一啲味都无，好似食梗旧胶咁。第二样萝葡算有味好少少，但系食到成口根。最惨系猪红。平时我一个人可以KO成碗韮菜猪红既人，今日居然得四旧式猪红都要食净两位，就知几难食。坦白讲，我自出娘胎以来重未食过啲猪红系又腥又苦既，如果唔系有枝可乐顶住，真系可以即吐。我唔觉得系货源既问题，因为食左几十年猪红，未食过一间咁差既，佢真系好劲，连咁稳阵既野都可以煮成咁，只可以俾佩服两个字佢。佢真系对唔住啲猪红。讲完啲送，讲番个主菜即系面，除左少之外，个油面无𡁻口，唔知佢烚左几耐同几多转，淡到
本人好少写食评，但呢间野真系令我忍唔住要出山写佢一写。
同男朋友去西贡食饭，本身我地都系西贡友，之前有间好正既车仔面执左笠，突然灵光一闪话去松记试下佢既车仔面，点知换来悲剧收场。
八点半前入到去，个阿姐已经好似好唔耐烦系咁叫人落车。好唔客气咁问，你要面定米线......好啦，食车仔面梗系要食油面啦，叫完之后，先点送。我话要一号餐，佢话当中有两样送无既，咁都算。想换个啲送，又话呢样唔换得，𠮶样唔换得。算﹗我就只叫萝葡、猪红同鱿鱼。
埋到位，一食啲鱿鱼，一啲味都无，好似食梗旧胶咁。第二样萝葡算有味好少少，但系食到成口根。最惨系猪红。平时我一个人可以KO成碗韮菜猪红既人，今日居然得四旧式猪红都要食净两位，就知几难食。坦白讲，我自出娘胎以来重未食过啲猪红系又腥又苦既，如果唔系有枝可乐顶住，真系可以即吐。我唔觉得系货源既问题，因为食左几十年猪红，未食过一间咁差既，佢真系好劲，连咁稳阵既野都可以煮成咁，只可以俾佩服两个字佢。佢真系对唔住啲猪红。
讲完啲送，讲番个主菜即系面，除左少之外，个油面无𡁻口，唔知佢烚左几耐同几多转，淡到好似食紧堆面粉咁。个心真系当堂爆粗。
写到呢度，已经唔想再写，因为个汤系无办法可以用味及文字来黎形容。
我真系好想问，究竟佢老板有无亲自落过黎食下佢舖头既出品？如果有而咁都过关既话，就真系味觉失调。
松记以前做得咁好（我未去过但好多朋友话好正）但今时今日居然变成咁（起码在FB一讲大量人回覆SUPPORT我既讲法）都系要检讨一下。香港市民唔系省油的灯，大家都识得选择既。
张贴