食客 - 韓食一番地 (已結業)

我用三点概括我呢次不愉快的用餐经历：一、餐厅卫生标准好有问题。我叫咗一份双拼辛辣面（猪肉+牛肉），食到第五啖左右惊现碗边有只乌蝇仔,死咗。好恶心，叫个侍应埋嚟退咗佢，但系个韩国学生哥唔识听中文，算。之后嚟咗第二个侍应，呢个侍应讲住煲冬瓜夹带唔咸唔淡嘅广东话，话「其实，呢啲都系飞虫啫!」，真系激到我...佛都有火...明明自己餐厅嘅错，讲到好似食客见到虫都应该将就一下咁，已经冇提到之前叫咗几多次侍应都冇人应......落街柯打碗公仔面啫，使唔使搞成咁...二、餐厅内冇几个侍应能够真正同顾客沟通。新移民员工冇几个识得听 or 讲。呢度系香港，香港系讲广东话架唔该。落单菜名都唔识听...真系好唔高兴...三、味道麻麻。海鲜年糕我最为欣赏，因为足料。虫虫面换返嚟嘅泡菜猪肉石头饭太㶶，啖啖都系㶶味啰