燒烤堂 (已搬遷) 新店位置

本身谂住上次食过中环店，又好食又坐得舒服，咁再想回味下佢哋啲串烧。我就提前一日book 位啦。用餐当日我哋两个人6点45分到 (本身book 咗6半）, okay 快快脆脆入去叫嘢食，我都知我迟咗15分钟。佢哋未上哂第一转啲嘢食，系15分钟左右就问我哋last order 有冇嘢加，我就吓咗声，同佢哋职员讲我哋啱啱先入场咋㖞。okay 都冇问题啦，我哋睇多阵有咩想食就reorder 加追嘢食。加追份量都偏多，知道餐厅要时间烧，又上过 2 - 3 转嘢食都系未齐，都冇乜嘢啦。去到差唔多8点左右，有职员过嚟问，用餐时间就够啦，不如卖咗张单先。再过多阵，有职员又走埋嚟话不如俾个盒我哋入起未食完嘅嘢。𠮶下我真系好有hard feeling, 同我个friend 话我真系觉得今餐有好差嘅dining experience。出面有人等位，场入面又有吉枱，早过我哋入去又未起身，点解食串烧要食到咁赶呢？你上唔齐啲嘢我都冇催过你哋，你冇count in 你哋preparation 嘅时间，最尾一上就上哂起码10样嘢上枱又摆唔哂。well, 我想讲食客食嘢都要时间㗎啰，我想快就食街边鱼蛋档啲烧烤啦。仲有我