影片
更多
2015-11-25
1834 浏览
今日係我同未婚妻的拍拖十週年紀念日。亦都係我第一次係openrice寫食評。當前排search緊十週年紀念食咩好嘅時候，上openrice 見到呢間餐廳整體評語不錯，所以就訂左枱食晚飯，以美食為我倆第一個十週年慶祝一下。咁我訂枱時就request 左飯後甜品要寫上"Happy 10th Anniversary " 諗住可以影相留念。話晒都十週年，都想有張相紀念下。到今日下午confirm booking, 服務員都有主動同我re-confirm 甜品要寫上"Happy 10th Anniversary "，我好清楚聽到tenth，因為你知啦，如果年份錯會好肉酸架嘛。當時仲心諗佢地都幾有交帶，會re-confirm埋客人嘅要求。到晚上用膳，平心而論，由生蠔、頭盆、湯、以至主菜都係十分有質素。可惜去到甜品部分，我點了心太軟，惡夢就開始了.....剛才講過，我要求寫嘅字係"Happy 10th Anniversary"，但服務員端上枱的字竟然寫成"Happy Anniversary "，中間最重要嘅10th竟然冇左！！可能旁觀者會覺得無需對個10th咁執著，寫少左總好過寫錯，但十週年對於我同
今日係我同未婚妻的拍拖十週年紀念日。
亦都係我第一次係openrice寫食評。
當前排search緊十週年紀念食咩好嘅時候，上openrice 見到呢間餐廳整體評語不錯，
所以就訂左枱食晚飯，以美食為我倆第一個十週年慶祝一下。
咁我訂枱時就request 左飯後甜品要寫上"Happy 10th Anniversary " 諗住可以影相留念。話晒都十週年，都想有張相紀念下。
到今日下午confirm booking, 服務員都有主動同我re-confirm 甜品要寫上"Happy 10th Anniversary "，我好清楚聽到tenth，因為你知啦，如果年份錯會好肉酸架嘛。當時仲心諗佢地都幾有交帶，會re-confirm埋客人嘅要求。
到晚上用膳，平心而論，由生蠔、頭盆、湯、以至主菜都係十分有質素。
可惜去到甜品部分，我點了心太軟，惡夢就開始了.....
剛才講過，我要求寫嘅字係"Happy 10th Anniversary"，但服務員端上枱的字竟然寫成"Happy Anniversary "，中間最重要嘅10th竟然冇左！！
可能旁觀者會覺得無需對個10th咁執著，寫少左總好過寫錯，但十週年對於我同未婚妻黎講，始終係一個里程碑，係一個值得好好紀念，一個要過得完完滿滿嘅日子。我一個咁簡單嘅要求，點解做唔到？
咁當時我就好有禮貌地笑笑口要求佢再寫過，加返10th 上去，咁服務員就拎返入廚房，我諗住應該都好簡單，抹左Anniversary 再返上去。
過左30秒，服務員拎返出黎，呢下真係火起，佢地只係加個10係最後，變成"Happy Anniversary 10"，我心入面第一個反應係有冇再求其啲？寫嗰個人有冇用心為客人？
面對呢個情境，當然接受不了。我再一次禮貌地要求佢地不如加返th係10後面，至少望落去正常啲，或者重新整過一份俾我啦，因為我知道擾讓左咁耐，個心太軟都唔會再溜心。
如是者，服務員再一次拎返入去又拎返出黎。
得出嘅結果如下。
佢地只係夾硬將10th加入中間，變成一串唔知係咩嘅英文字。
去到呢刻，我已經冇心情同佢地爭持，因為即使下一步係重新整過一份出黎，我地都冇心情食。加上如果發火，只會令今晚更加不圓滿
我地終歸都冇食到個甜品，請恕我地浪費食物呢個行為。
到埋單時，首先待應俾左另一枱嘅單我地，其次佢地唔知自己餐廳做緊匯豐卡95折同會送一客甜品(當然我相信送嘅甜品唔會係正餐牌上嘅甜品）。
最後我地只係要求做返匯豐95折，而佢地最終都有計到心太軟嘅價錢，即是代表佢地唔覺得寫少個10th係有錯，亦唔覺得佢地嘅行為係令到我同未婚妻經歷左一個不圓滿的紀念日。
张贴
