華輝小食 (已搬遷) 新店位置

记得好几年前睇新闻，知道有间喺大围卖手撕鸡肠粉嘅店舖结业，一众大围街坊都感到不舍⋯今次多得沙田友介绍，先知原来喺新位置重开，咁啱踩完单车有啲肚饿，还完车，就过隔离华辉小食医肚。我哋三个女仔，叫咗两盒手撕鸡肠粉。其实份量都唔少，一个女仔应该食唔到一盒。肠粉上铺满晒鸡丝，鸡肉肥瘦适中，唔会鞋，配上热辣辣嘅肠粉⋯呢度嘅肠粉口感嫩滑，配上麻酱、芝麻同辣汁，估唔到原来手撕鸡同肠粉都可以咁夹！真系不愧为大围名物！