秀拉麵 (已結業)

新拉面店，知道有做晚市，唔似豚王咁无晚市，就一于walk in博一博睇下有冇机会试下，真好彩，有位仲要唔洗等，拉面又未售罄。一入店，几热下，抽气唔多妥当，第一个感觉就唔多好。一坐底侍应姐姐就俾剔剔纸，要咩自己随便剔，要葱唔要葱，叉烧肥定唔肥，汤辣定唔辣，面软定硬，任君选择。是日要个白秀加个黑秀，加个饺子，应该够饱了。先黎白秀拉面另加半只蛋。汤够杰身，d汤挂哂上d面到，不过食到尾就好浆口，唔多岩我，汤唔太热，夸张讲句周边环境仲热过个汤，一路食一路滴汗。叉烧要腩，坚系腩，够肥。配料有葱有木耳。另加既半只蛋就很不错，食落有淡淡烟熏味。面方面，面条系幼细面，不过仍然够咬口，入口尚算爽滑烟韧，算是唔错。原来黑秀只系加上黑酱油，同白秀分别唔大，早知试捞面或赤秀好过。饺子，可以加几款料，是次要芝士，芝士加饺子，味道无咩特别，不过饺子煎到皮裂，当系一时有失手吧，味道几大众化。环境就真系好热，抽气问题要处理下，用湿纸巾先知系某集团管理，我明啦，环境热d，食完快d走，可以做多几转，都系说笑吧。服务几唔错，店员快手快脚，水系枱面，自助式，唔洗叫加水。食物其实唔太差，只系今天的我唔识欣赏，当然明天的我可能会打