影片
更多
2012-01-28
24 浏览
11月2日, 日本拉面大热, 经常都听到或见到周边朋友谈论到过哪间新店吃哪种拉面, 最近最常听到的便是尖沙咀本店永远大排长龙的一风堂~ 不过我地两个都好少过海, 所以一直无缘食到. 如今一风堂扩充版图杀入铜锣湾区, 我同呀比即刻走去试! 是夜平日放工时间, 嚟到门口都已经好多人, 喺自助派筹机拎咗飞仔之后可以选择喺门口等或者落街行下, 总之差唔多到你时就会有自动来电提你~ 都几方便到顾客! 本以为要等好耐, 点知等咗15分钟左右就可以入座喇!::: 赤丸新味 ::: $68论份量, 比起出面d拉面店细碗少少~ 论配料, 亦只有黑木耳、青葱同埋两块叉烧~ 少咗平时食拉面都会有嘅笋丝、紫菜同鸡蛋! 佢嘅豚骨汤底本身唔算好浓, 不过汤头浮满一粒粒肥猪膏, 渗出阵阵猪油香. 赤丸新味比普通白丸多加咗味噌酱同埋蒜油, 捞埋入汤里面令汤底惹味得多~ 面条无得你拣软硬度, 系较幼身嘅拉面, 唔太索汤, 但咬落都烟韧. D叉烧系腩位一层肉一层肥膏𠮶只, 配埋个粒粒肥膏汤确实油腻… 整体系偏细碗, 但系油腻. 味道ok但唔算特别出色.::: 味噌豚骨拉面 ::: $58猪骨汤底加上味噌好似怪怪地, 食得
::: 赤丸新味 ::: $68
论份量, 比起出面d拉面店细碗少少~ 论配料, 亦只有黑木耳、青葱同埋两块叉烧~ 少咗平时食拉面都会有嘅笋丝、紫菜同鸡蛋! 佢嘅豚骨汤底本身唔算好浓, 不过汤头浮满一粒粒肥猪膏, 渗出阵阵猪油香. 赤丸新味比普通白丸多加咗味噌酱同埋蒜油, 捞埋入汤里面令汤底惹味得多~ 面条无得你拣软硬度, 系较幼身嘅拉面, 唔太索汤, 但咬落都烟韧. D叉烧系腩位一层肉一层肥膏𠮶只, 配埋个粒粒肥膏汤确实油腻… 整体系偏细碗, 但系油腻. 味道ok但唔算特别出色.
::: 味噌豚骨拉面 ::: $58猪骨汤底加上味噌好似怪怪地, 食得出𠮶猪骨汤底又唔系好食得出个味噌… 汤底味道算唔差, 之不过真系油咗d, 变到好滞咁… 叉烧有2块, 肥肉占多数, 太肥腻喇. 面条确实烟韧, 有蛋香, 不过唔太索汤. 整体系平嘅, 不过份量质素都只系普普通通.
::: 半熟蛋 ::: $10要另加先有嘅半熟蛋, 蛋白已经系实的的嘅全熟状态, 蛋黄亦颇凝固无乜流心. 蛋味都ok浓嘅但实在有d令人失望…
唔知系咪因为唔系尖沙咀本店, 质素硬系觉得争d… 无人地讲得咁惊为天人. 汤底咁样浮住d肥膏真系第一次, 系特别, 系有脂香, 不过猪骨汤味又唔系好浓郁~ 如果要等成个钟先有得食, 我又觉得唔系咁值…
张贴
