古早牛肉麵 (已結業)

深水埗系一个约friend食饭嘅好地方，地理上无论你住九龙新界都唔至于翻山越岭就去到。而且呢头其实都唔少比较平民嘅好西。今日去咗呢间古早味牛肉面真系近期少见嘅，性价比数一数二！我同个friend加加埋埋都点咗唔少𩠌，一个招牌红烧牛肉面（$60）、酥炸大猪排面（$58）、综合甜不辣（$28）、珍珠芋圆仙草冻（$38）、巧克力珍珠奶茶（$25）红烧牛肉面同猪排面都系食过咁多间台式料理中会比较有记忆点嘅一间。啲牛骨汤真系好正，非常清香入味，可以肯定系有用心制作而唔系劣质味精，饮咗几啖真系觉得非常惊喜。面底就见仁见智，我个friend好like，我就一般般，唔系唔好，不过冇汤底咁惊艳。猪排会系另一样令我好surprise嘅嘢，真系估唔到呢个价位都可以煎得咁juicy（literally好多juice）而且香脆（唔系快餐店𠮶啲一层好厚好厚渣粉嘅脆啊比起𠮶啲好十倍），总之就好推介！牛肉都同样唔差，一食就知系新鲜而且煮得啱啱好嘅靓肉，冇得弹。净低嘅几碟相比之下就一般般啦（可能我标准太高，所谓一般已经at least equal or above average㗎喇只系前两碗面太jeng）。综合甜不辣