影片
更多
2021-04-20
8911 浏览
如果钟意意大利菜嘅你，系香港第一间会谂起咩餐厅？可能我以前冇特登食意大利菜，或者好认真咁食，一般见识净系识Spaghetti，对住啲意大利文，完全分唔到系边种面打边种面。我第一次认真食意大利菜，严格啲来讲系意大利面，就系依间好亲民嘅意大利面餐厅同酒吧，而我会知间餐厅系因为女朋友介绍俾我，话俾我知佢个黑松露意粉好吸引。意大利菜最出名除咗Pizza就系意大利面，呢间Pici就系主打手工意粉，Pici系本地饮食集团Pirata Group旗下既餐厅，我同时都好钟意Pirata Group既THE OPTIMIST，所以佢地既水准应该都系稳定同有质数，而且卖点系高性价比，唔驶大家比过千蚊，可能300蚊就可以享受到性价比较高既服务同食物质素。因为对面质要求相当高，所以店舖有制面嘅区域，如果坐系吧台既客人就可以睇到师傅现场制作面条，每日都会供应新鲜手制嘅意大利面，配合唔同时令嘅食材创作唔同嘅菜式，令到香港人食到地道嘅意式风味，而且食得意粉点可以无酒，餐厅都会提供唔同嘅cocktail、啤酒、红酒、白酒，都有啲无酒精嘅饮品。当日系星期六嘅夜晚去到湾仔嘅pici，本身冇预约(事后发觉应该系冇得订位只有
如果钟意意大利菜嘅你，系香港第一间会谂起咩餐厅？可能我以前冇特登食意大利菜，或者好认真咁食，一般见识净系识Spaghetti，对住啲意大利文，完全分唔到系边种面打边种面。我第一次认真食意大利菜，严格啲来讲系意大利面，就系依间好亲民嘅意大利面餐厅同酒吧，而我会知间餐厅系因为女朋友介绍俾我，话俾我知佢个黑松露意粉好吸引。
意大利菜最出名除咗Pizza就系意大利面，呢间Pici就系主打手工意粉，Pici系本地饮食集团Pirata Group旗下既餐厅，我同时都好钟意Pirata Group既THE OPTIMIST，所以佢地既水准应该都系稳定同有质数，而且卖点系高性价比，唔驶大家比过千蚊，可能300蚊就可以享受到性价比较高既服务同食物质素。因为对面质要求相当高，所以店舖有制面嘅区域，如果坐系吧台既客人就可以睇到师傅现场制作面条，每日都会供应新鲜手制嘅意大利面，配合唔同时令嘅食材创作唔同嘅菜式，令到香港人食到地道嘅意式风味，而且食得意粉点可以无酒，餐厅都会提供唔同嘅cocktail、啤酒、红酒、白酒，都有啲无酒精嘅饮品。
当日系星期六嘅夜晚去到湾仔嘅pici，本身冇预约(事后发觉应该系冇得订位只有Walk in)，去到时大概系七点半，见到门口好似冇咩人排队，去柜台攞位时佢话暂时full左，但好快有人走，所以叫我留低电话，当有位个时SMS我，依家好多餐厅都有呢个服务，我觉得非常贴心，于是俾个电话之后就去附近行下，因为平时都冇点去过附近。附近好多店舖其实都已经闩左门，进教围就只有pici依间店舖灯火通明，好似系外国嘅街道一间隐世嘅餐厅咁。喺附近行左10至15分钟，就收到SMS叫我返去。
PICI系2017年开左湾仔系既总店，之后开业唔够2年就开埋中环、尖沙咀同沙田分店。湾仔总店同其他唔同嘅系湾仔嘅位置会比较偏僻啲，我有经过尖沙咀同中环分店，尖沙咀系漆咸道南既酒吧街，但人流不绝而且PICI个边既行路唔阔，排队既人都迫哂系条好窄既行人路，虽然都有几个向室外既窗口位，但环境比较嘈吵; 而中环系苏豪既鸭巴甸街，比尖沙咀好既佢有一边街系坐系街既位置，好似系街食紧意大利菜咁好有气氛，但附近都系人流太多。而湾仔总店系大家平时唔会行去既进教围，我以前喺湾仔读书都唔会嚟过进教围呢度，今日佢要行斜路上嚟，佢哋隔离就系湾仔嘅日街、月街、星街，呢个「星街小区」都系湾仔比较偏僻但系好有外国风味嘅地方，因为附近都系好多唔同特色嘅外国餐厅、酒吧、精品店、时装店、艺术画廊同古董家俱，位于市中心但无市区人潮拥挤热闹既喧哗，每次嚟到呢度都觉得好似去咗欧洲咁。湾仔总店都有室内同室外既位置，不过室外个边既枱系本身木枱开出黎既铁板，野食摆上佢见到微微斜，唔系咁稳阵。
上面仲有阁楼，不过枱与枱之间距离唔算阔，入面室内装潢简单舒适，会见到唔同既传统意大利古典装饰。环境我觉得系咁多间店最好，至于食物质数，有唔小朋友同我反映过，唔同分店既质数都有分别，当中湾仔总店系最好，其次系尖沙咀，中环分店会明显食到有分别，我无食过其他分店，但好好彩一食就系食质数最好既总店，至于系咪事实有待我将来去其他分店一试，但如果recipe系复杂，加上手工意粉既因素，分店质素不及总店都系有可能。不过枱与枱之间距离唔算阔。环境我觉得系咁多间店最好，至于食物质数，有朋友同我讲过湾仔系最好，我就要试左先知。
-
Bread Basket💰0（👅: 6.5/10）
喺未点餐之前就俾咗一袋面包我哋，个袋入边大约有五旧面包，好似系预先摆入去，而唔系见到我哋三个人而比五旧。
餐前面包系好标准既义式搭配起，面包唔系新鲜焗起，系常温，食落系酥脆但同时好硬，唔系我钟意食嘅面包口感，但佢会提供橄榄油黑醋俾你点，喺starters未上菜时都可以食住等，但味道比较一般，而且食太多会食唔落后边嘅主菜。
-
Tasting Menu 💰290/person
Menu 好简单，得两页纸，第一页系野食，有各种单点既starters、pasta同dessert，第二页系饮品，有各种cocktails、mocktails、啤酒、红酒、白酒，同无酒精饮品。
而系野食个页上面有个叫Tasting Menu，Menu 上写会叫你问Server多啲资料，其实Tasting Menu 识嘅嘢同单点冇分别，只系佢会俾你试多一个pasta，例如两个人嘅Tasting Menu，就可以拣2个starters、3个pasta同2个dessert，而3个人就系3个starters、4个pasta同3个dessert，如果大家系食得落又想试多个pasta可以一试，如果唔系其实单点想食嘅嘢都得。
另外一提餐厅全部都系外国人，点单时可能大家有心理准备唔系大家听开既accent，不过佢地都好热心好有耐性，所以唔会有太大问题。
-
Starters
1️⃣ Homemade Meatballs 💰90（👅: 8.5/10）
Homemade Meatballs
$90
99 浏览
2 赞好
0 留言
咁多个Starters个人觉得最出色就系呢个肉丸，肉丸大细好慷慨，一啖系食唔晒，一食落去系肉味澎湃，肉汁爆哂出黎，佢系一个将猪肉同牛肉混合嘅肉丸，有油香但唔会有膻味，咬落去唔会话过于松散或者太实，食落系好软熟，再加上帕马森芝士同鲜茄酱，同好香既黑椒味，芝士味浓，鲜茄酸酸嘅味道食落更加开胃，但又唔会太过漏，绝对系不断回味既前菜，不过有人会钟意D口感较实既肉丸，但呢个入口即溶既肉丸系比到惊喜我。
-
2️⃣ Tuna Tartare 💰120（👅: 7.5/10）
Tuna Tartare
$120
100 浏览
1 赞好
0 留言
吞拿鱼他他，即系生嘅吞拿鱼，感觉好似食紧日本吞拿鱼刺身咁，所以会比较易接受，食落吞拿鱼都新鲜唔带铁锈味，口感juicy，鱼脂味会渗出来，而且吞拿鱼食落无筋，伴菜有同鱼生几夹嘅牛油果，再加上胡椒洋葱酱汁，食落带酸味，加入橄榄油带咸香，捞埋一齐食都几开胃，但如果唔系好钟意吞拿鱼就未必钟意，后劲会带小小醒味。
-
3️⃣⃣ Beef Tartare 💰120（👅: 7/10）
Beef Tartare
$120
95 浏览
1 赞好
0 留言
同Tuna 类似，生牛肉塔塔即系生牛肉，但生牛肉唔系个个都接受到，无论系味道定系卫生方面，因为Tartare好讲求新鲜度，只要啲牛肉唔够新鲜，食完都好大机会搞肚痛，所以都系好多餐厅无呢个菜色既原因之一。
牛肉系即叫即切先再调味，食落新鲜无醒味(事后都无食到搞肚痛)，配上薄薄既蘑菇片、芝士、红萝卜同樱桃酒醋，食落带小小酸味，芝士既咸香令到牛既肉味更出，不过我都唔系好食得惯，个人比较接受吞拿鱼他他。
-
4️⃣⃣ Burrata Cheese 💰95（👅: 6.5/10）
Burrata Cheese
$65
93 浏览
1 赞好
0 留言
Burrata Cheese系传统既意大利芝士，奶味好香浓，食落系比较重味，芝士质地软同平时食既唔同，但我可能食唔惯呢种奶味重既芝士，但朋友食落觉得可以接受，不过搭配橄榄油、小番茄同火箭菜，食落系几FRESH几新鲜，如果你系芝士爱好者就应该好岩你。
-
Pasta
1️⃣ Tagliolini 💰180（👅: 9/10）
Tagliolini
$180
99 浏览
4 赞好
0 留言
Spaghetti系传统嘅意大利面条，亦都系最多人熟悉，形状系细长、圆柱状嘅面条。当然依间咁意大利嘅餐厅就唔会系食呢种我哋由细到大都食开嘅面，其中一样比较常见嘅就系 Tagliolini。呢度既 Tagliolini系餐厅嘅招牌，因为意大利嘅意粉第一样就会谂起黑松露意粉。
Tagliolini面条系细扁面，普遍系2-3mm宽，同Spaghetti差唔多长，呢度既Tagliolini都系新鲜手制既手工面，食落非常之烟韧弹牙。
意粉上面有新鲜刨嘅一片片黑松露片，黑松露片嘅份量都足够捞起啲意粉嚟食，未食之前都闻到好香嘅黑松露味，实际食落松露既味道都系靠酱汁，黑松露片系提香多，味道唔重而系散发住小小香味。
而酱汁系由白松露打成嘅白汁，重松露味，面条同个酱汁配搭得非常好，面条挂汁得来又唔会话食落去太咸或者味道太稀，可能系手工意粉所以食到D蛋香，牛油味好香，酱汁唔算多但足够，配料仲有火葱，所有野都系罗到个BALANCE，略嫌意粉既油份多左少少。
-
2️⃣ Orecchiette 💰130（👅: 8/10）
Orecchiette
$130
102 浏览
1 赞好
0 留言
Orecchiette就系意大利面中大家常叫既猫耳朵，因为外表似猫耳朵所以有呢个名。外型系有凹槽既小圆，中间部分柔软、外围弹牙，食落系烟韧，够厚而且好挂汁，猫耳朵加上辣意大利肠，味道浓郁非常惹味，Nduja酱汁带香辣味，车厘茄食落新鲜多汁，同时中和辣意大利肠同Nduja酱汁既油腻感，香辣同甜味不断交错。
而上面既火箭菜大家平时会拨开佢唔食，但呢个系有小小惊喜，因为佢系用sun-dried tomato炒过喜，带蕃茄既香味同小小辣味，令成碟猫耳朵更加惹味，一口接一口。
-
3️⃣⃣ Mozzarella Ravioli 💰120（👅: 8/10）
Mozzarella Ravioli
$120
76 浏览
1 赞好
0 留言
意大利面其中一样比较常见嘅就系Ravioli，即系我哋讲嘅意大利水饺/云吞，食落会同中国嘅水饺好唔同，皮会比较厚，而且会食到粉皮嘅味，内馅可以好多元化，鸡肉、芝士、虾仁、蘑菇、龙虾肉等等都系可以成为水饺入边嘅内馅，配搭唔同食材就有不同既味道。
而今次呢个Ravioli唔系洒上黑松露片，而系肉酱同mozzarella cheese的配搭，肉酱同芝士味道较重，有D人会觉得咸左D。上面仲有淋上青酱，加上杏仁，令味道同口感再多一个层次。
-
4️⃣⃣ Pappardelle 💰140（👅: 9/10）
Pappardelle
$140
233 浏览
2 赞好
0 留言
Pappardelle系宽带面，系面积较宽既长面，我有少少似河粉，但食落系烟韧，个人觉得比 Tagliolini更为烟韧更为爽口，意粉有做到al dante嘅口感，呢个就好睇个人口味钟意食咩面条多啲，但可能系手工意粉，所以大细不一有参差，有部份面条会比较硬啲。
而面上面嘅系8小时慢煮既牛面颊肉同肉酱汁，牛面颊肉食落好软嫩，牛肉味重，非常入味，系食肉兽会钟意既一道意大利面。配搭洋葱、红萝卜，即使系咁多肉酱食落都唔会觉得好腻，可以中和一下，而且口感丰富，而且牛面颊肉以我所知都唔系平价货，140蚊食到个咁有质素既意粉绝对系值得。
-
Dessert
1️⃣ Tiramisu 💰60（👅: 8.5/10）
Tiramisu
$60
54 浏览
2 赞好
0 留言
因为pici嘅甜品得两个选择，两个当中我最推介一定系意大利菜一定会有嘅Tiramisu。Tiramisu上层嘅咖啡粉同砂糖都落得几多下，所以如果唔小心第一啖好大啖咁食，食完应该会即刻浊亲咁咳。
Mascarpone cheese食落系好creamy好幼滑，系我理想中嘅Tiramisu，custard食落系有蛋香味，而下面嘅蛋糕部份唔会话太重咖啡味，因为我个人唔系好钟意重咖啡味，成杯食落味道偏甜，但唔会话太Heavy，因为下面嘅咖啡蛋糕带少少苦味中和一下，Tiramisu一定要有咖啡苦味但唔可以太多，而呢个既expresso同芝士既比例系恰到好处，奶味都唔会过抢，蛋糕够湿润，又唔会太淋，份量唔算好大杯，味道都未系香港食过最好(我食过再好食有page common同lost stars livehouse bar & eatery)，但食落绝对系一杯满意嘅Tiramisu。
-
2️⃣ Panna Cotta 💰60（👅: 7/10）
Panna Cotta
$60
54 浏览
2 赞好
0 留言
同我想像中既Panna Cotta有出入，食落我觉得有啲似麦当劳嘅红莓新地酱加咗落奶冻上面，食落味道比较普通，亦都食唔出佢系一个好特别嘅意大利甜品，因为上面嘅红莓酱味道太重，完全盖过咗奶冻既奶味，但本身奶冻食落算香滑。
-
Beer
1️⃣ Peroni 💰65（👅: 6/10）
好似冇见过呢个牌子所以叫黎一试。
饮落比较苦，唔系咁易入口，本身以为系啲特别啤酒，但见到后感觉系可以喺超市好易买到，饮完有少少后悔，如果想饮啤酒建议叫返正常既asahi。
-
🌟Pici有一个好处，就系佢唔会好似平时餐厅咁收10%服务费，系自愿性质，卖单𠮶时佢哋会比一个筒，上边有张纸写住”if you believe our staff has been generous in their attention, they will surely appreciate a generous tip”，完全系自愿俾几多贴士就俾几多，而且系直接比staff。
回顾番成晚用餐体验都好好，店员都好吹得水好热情，上餐速度都几快，就算黎错咗都好慷慨咁免费俾我哋食，而且会留意我哋食嘢既速度，会一步步食完starters先上pasta俾我哋，食完pasta之后会收晒啲嘢，俾啲新嘅碟同餐具再上甜品。而且问一啲Menu嘅细节，佢哋都会好详尽咁讲解，服务绝对系满意，所以都心甘情愿咁俾”generous tip”。
价钱方面如果系晚餐，我觉得系中价嘅意大利菜，如果突然好想食黑松露意粉、意大利云吞可以一食，因为分店都集中喺人流多嘅地方，好似中环、湾仔、尖沙咀，味道可能唔及香港一啲意大利菜好似CIAK、Giá Trattoria Italiana ，但呢个价钱食到呢个质素绝对系满意，而且好似湾仔、尖沙咀呢啲分店嘅环境都几好，尤其系有半室外嘅位置，边食边望住条街，感觉自身喺外国咁。
如果唔想洗太多钱，又想试佢哋嘅菜式，建议去食佢哋嘅午餐，$158有餐包、1个starter、1个pasta、1个dessert，比$158但食到单点加埋差唔多$300嘅嘢食，非常抵食，选择当然冇咁多，但起码pasta有得点佢哋最招牌既Tagliolini ，入边嘅选择每日都唔同，而且每间分店都会唔同，绝对系可以一止想食意大利菜嘅瘾。但特别一提lunch set得星期一至五先有。
星期六、日会提供brunch menu，由11:30至16:00，价钱会比平日既lunch set贵D，$290会有餐包、1个starter、1个pasta、1个dessert同埋每人一杯prosecco，即系义大利最受欢迎的气泡酒，价钱同夜晚既tasting menu一样，不过会多一杯prosecco，选择无夜晚咁多，如果唔系真系想试好多建议六、日单点。
总活黎讲，PICI绝对系一间价钱平民但食到有质素既意大利菜，尤其系平日既lunch set，晚餐单点或者tasting menu都唔算贵，而且分店多，但如果想食到无走样既PICI，建议去返本店湾仔食，环境都比其他分店好。
-
👅味道: 9/10
🍴环境: 8/10
💰消费: 晚餐 $250-400人均 (服务费: 自愿)
张贴
