譚仔三哥米線 (形點 II)

营业中

休息中

三哥一直都系我米线嘅首选。汤底够多款，清汤，麻辣，煳辣，酸辣。另外又贪佢一个人易攞到位坐，又唔怕人有奇异嘅眼光。我觉得食三哥一定要食辣嘅汤底！三小辣我觉得喺最适中嘅，如果叫再辣就会抢走晒啲味觉，食咩使用都系同一只味，唔够辣又唔过瘾㖞。食开麻辣嘅我新试煳辣。叫左2𩠌，我嘅例牌，鸡肉墨丸。个汤底好香，睇色都觉得浓呀。唔同麻辣，冇咁多油浮面。鸡肉都一直咁好食，份量多，入味。我中意墨丸有一粒粒咬到嘅墨鱼喺入面。米线弹牙，控制得几好。下次睇心情多个汤底选择了。