樓下冰室 (已結業)

每次嚟到楼下冰室，都一定要食佢个蕃茄汤通粉，仲要加佢只最出名瑞士鸡髀！呢间茶餐厅，虽然座位都比较迫，但系真系有读书食到出嚟社会工作都咁钟意食！特别系佢只瑞士鸡髀，真系喺香港揾唔到第二间好食过佢嘅鸡髀，可能系因为我未发掘到挂，哈哈！至于蕃茄浓汤嘅汤底，开头见到蕃茄都好抗拒，因为本人好唔钟意食蕃茄，但系自从食咗佢哋嘅汤底之后，我钟意咗蕃茄汤底，再加埋佢个炒蛋真系一流。至于佢个咖喱鸡扒饭，就系男朋友最钟意食，佢个咖喱汁浓得来又唔会太肥腻，都系一个唔错嘅选择🙋🏻‍♀️