樂天冰室 (萬迪廣場)

营业中

休息中

去到餐厅坐低，叫咗个焗饭同埋加6蚊叫杯冻饮，饮品好快送到，我饮住冻饮等食物，然后等咗15分钟左右，食物送到但唔系我order嘅食物。算，我即时向职员提出。其实好少事，更正返就ok啦。但我跟职员提出问题后再等15分钟，依然未送餐嚟，我就两次跟不同嘅职员提出取消order，因为赶住返公司。但系两位职员冇即时帮我取消，只强调话焗紧，最后我坚持取消。佢地就话＂咁你俾23蚊啦，你饮咗杯嘢＂。我叫佢地问吓可唔可以照收6蚊，佢地态度恶劣话＂冇得问！23蚊一杯冻饮！＂。我话＂原本我系叫食物，补6蚊就有杯冻饮，宜家你地又错货又嚟得慢，取消又即时取消唔到，仲要我俾23蚊？！＂。个职员就态度恶劣话＂取消个饭啦！取消个饭啦！收23蚊冻饮！＂即系我点嘅餐一开始冇嚟，等一轮都未嚟返，叫取消又取消唔到，最后职员好悔气话＂咁你饮咗杯嘢㖞！＂原本只需6蚊嘅冻饮变咗23蚊，仲要受职员气。。。咁嘅态度，真系令人失望。