影片
更多
2011-05-30
115 浏览
住在同一条街多年，由于他的价钱便宜，质素亦不太差，所以间唔中就会去惠顾。可惜多次受气，令我不吐不快。受气事件(一)与屋企人晚上去吃饭，因此舖早前系杂志做过宣传，所以近数月都有好多人慕名而来，当晚全场满座，我屋企人当中尚有一人未到，所以先叫小笼包、锅贴、酸辣汤、再加冷盘食住等，点知个上海老板娘好恶死话﹕「落单就一次过，我咁多客系度，你分开落单会好乱.....」，我表示尚有人未到，稍后落单咪最多迟啲食啰，坚持要佢先落单，老板娘仍不愤应一句﹕「下次齐人先好入黎」。受气事件(二)与老公二人于星期日早上去食早餐，叫豆浆、粢饭，点知出面越企越多人叫外卖，我当时觉得咁都唔系问题，因理应处理堂食再应付外卖，点知等了又等，堂食已有食客不满走人，我就向伙计小姐追order啦，点知得到的回应：伙计：「你见唔到出面好多人咩? 转食菜肉包啦！」我﹕「出面多人咁系咪唔做堂食呀? 咁我倒不如出去排外卖啦！」伙计﹕「老细话事做咩先，你一系就等下啦....」最后我与老公决定走人唔食....受气事件(三)日前收工回家途中，致电order一个酸辣汤粗面，因只是一个面，所以说明自取，免得他们在晚饭时段要腾出人手送外卖啦，点知
住在同一条街多年，由于他的价钱便宜，质素亦不太差，所以间唔中就会去惠顾。可惜多次受气，令我不吐不快。
受气事件(一)
与屋企人晚上去吃饭，因此舖早前系杂志做过宣传，所以近数月都有好多人慕名而来，当晚全场满座，我屋企人当中尚有一人未到，所以先叫小笼包、锅贴、酸辣汤、再加冷盘食住等，点知个上海老板娘好恶死话﹕「落单就一次过，我咁多客系度，你分开落单会好乱.....」，我表示尚有人未到，稍后落单咪最多迟啲食啰，坚持要佢先落单，老板娘仍不愤应一句﹕「下次齐人先好入黎」。
受气事件(二)
与老公二人于星期日早上去食早餐，叫豆浆、粢饭，点知出面越企越多人叫外卖，我当时觉得咁都唔系问题，因理应处理堂食再应付外卖，点知等了又等，堂食已有食客不满走人，我就向伙计小姐追order啦，点知得到的回应：
伙计：「你见唔到出面好多人咩? 转食菜肉包啦！」
我﹕「出面多人咁系咪唔做堂食呀? 咁我倒不如出去排外卖啦！」
伙计﹕「老细话事做咩先，你一系就等下啦....」
最后我与老公决定走人唔食....
受气事件(三)
日前收工回家途中，致电order一个酸辣汤粗面，因只是一个面，所以说明自取，免得他们在晚饭时段要腾出人手送外卖啦，点知去到店舖，又没落单(我致电叫自取外卖巳有四至五次，当中巳有两次冇落单)，今次个恶死老板娘系度，明明系佢地漏单，个伙计小姐都好客气对我讲即刻做先，但老板娘竟然同我讲﹕
恶死老板娘：「你下次唔好打嚟啦，我唔做自取外卖呀.....」
我﹕「咁我头先打电话嚟你唔讲」
恶死老板娘：「唔记得讲，总之以后唔做自取外卖.....」
我冇再回应佢，因我觉得佢根本唔系做生意，得罪人多称呼人少。
点知佢得势不娆人，扩大把声系舖度同啲伙计讲：「你地听住呀，以后唔做自取外卖，有好多人打完电话嚟之后又唔攞，收唔到钱嘅.....」
听完呢句..... 我真的挖目双看...... 全场其他食客都望住我......
我冇同佢嘈，刚好等到个酸辣汤粗面，临离开之前亦回一句，「我都系熟客，帮衬过咁多次你都认得我啦，我冇试过唔比钱，不过我唔觉得要受你气啰......」
以上不是我恶意要抵毁或中伤，事实有好多食客、伙计可以见证过程发生......
事件发生系26/5/2011，事发数日仍觉不愤，故要在此吐吐苦水并高呼一声「我帮衬咁多次冇唔比钱，你唔好抵毁我」
张贴