雲南風味 (已結業)

有heart指数系♥♥♥♥云南风味系好偶然既情况下发现，但系想唔到一试便爱上。今日去开观塘，又忍唔住同女友一齐去。虽然话爱上，但我觉得佢做既米线都几一般，唔单止同石荫既神品"云南小锅米线"差好多，甚至同连锁店比，都有一段距离。但系！佢既小吃已经补番好多好多分！系到队下啤酒，食下小食真系好正！呢三样一定系必点之作，麻辣鸡翼已经褪左骨，一拎起就系一旧圆碌碌既肉，又香又辣又嫩！每次送啤酒至少要食四五件！酱骨架，炆得非常淋，佢个汤汁唔系话非常重味，但香味扑鼻，非常浓郁，有少少药材既香味。蒜泥白肉，其实好简单一个菜，唔明点香港好多餐厅整得咁难食，最紧要系白肉要薄，落蒜唔好孤寒，呢间整得好正宗，同系云南食差唔多。汽锅鸡，系云南系名菜，系用个特制既瓦煲将鸡既精华迫落汤水到（好似系），系云南饮系非常浓郁，浓到应该加左味精或者鸡粉，香港呢间既汽锅鸡反而仲好饮，清新得黎又好鲜甜，非常唔错，今次系第一次叫，非常有惊喜。另外叫左啲米线呀，饺子呀之类，但觉得无咩特别。