元朗燒賣皇后妙舒 (已結業)

好味指数😋😋😋😋😋回头指数⭐️⭐️⭐️⭐️开心指数🤗🤗🤗🤗🤗今日3点几都未食lunch，路过见到对面街有元朗烧卖皇后，立即心心眼😍🍴炸鱼旦烧卖孖宝（$22 / 每款6粒）平时我通常会食招牌香菇猪肉烧卖，因为真材实料够香又好味，尤其配上皇后辣椒油，不过今次想试下炸嘅版本，就叫咗炸孖宝，即叫即炸热辣辣又香口，因为表面会放咗椒盐，就唔会再配辣油或手工豉油... 先试下炸烧卖先，劲脆又香口呀，同蒸嘅version好唔同，呢款好惹味，外脆内软，唔会干，仲食到香菇味，正呀～炸鱼旦唔会好似烧卖咁有脆皮面，佢嘅鱼旦系自制白鱼旦，外层少少香脆，都系放咗椒盐，鱼旦够弹牙，有鱼肉味，口感一流！因为我太挂住佢嘅辣椒油，我都有叫店员俾咗少少我😋🍴咖哩五宝（$35）呢个系我第一次食，拣咗咖哩汁，五宝有鱿鱼、牛柏叶、猪皮、萝卜、鱼旦，个咖哩汁真系超好味，咖喱汁浓郁，有少少辣味，好惹味，用嚟配咩食都好正，鱿鱼、牛柏叶、猪皮煮到刚刚好，易咬开又够咬口，萝卜清甜冇渣，好味～🍴皇后碗仔翅（$20）估唔到原来咗大碗，开头以为用细碗装，原来系大碗，好足料，羹汤唔会太杰挞挞，香菇同木耳有好多，唔错～