西貢松記車仔麵

营业中

休息中

每次黎西贡都系食金鸡嘅海南鸡饭，今次嚟到见唔算太肚饿，就食咗同一条街嘅松记车仔面。以前经过嘅时候都见到门口有长长嘅人龙，心谂应该都唔错挂，不过就超级失望。首先最低消费系＄25 ,但系啲阿姐系唔会同你讲嘅。一坐低，你就要去返门口拣面拣𩠌，拣好咗店员会帮你拎入枱，最后食完先俾钱。整体上胜在够平，但系质素的确麻麻。萝卜够甜无渣，不过黄金墨鱼卷以为系炸得香脆𠮶只，点知又淋又湿，完全冇口感可言。我最唔钟意嘅地方就系，成碗汤都好杰，完全唔系食紧车仔面嘅感觉，汤头完全无味， 食完都完全理解唔到点解不到，点会有咁多人嚟食。