走杯 (希慎廣場) (已結業)

呢一排，呢一间台式饮品已经成为卖飞佛之一。佢响诚品里面，有时行完书店，临走前买返一杯，尤其呢一排冻冰冰，买一杯暖粒粒嘅热饮，简直赏心乐事。佢有一款欣澳蜜柑桔，绝对系值得推介。有一次饮完，我打开杯盖睇吓里面有啲乜嘢材料，我见到有新鲜柑桔，有青柠片，同埋应该都系咸柑桔嘅物体。味道唔会太酸，酸酸甜甜，加埋蜜糖，绝对系冬天润喉饮品之一。大少就叫咗一杯室温嘅金钻奶茶。里面有芋圆，细细粒比较烟韧，亦都冇硬心。因为室温关系，摆耐咗，都冇比冰冲淡味道。呢个冬天，如无意外，应该每一次去铜锣湾，都会买一次奖励自己心灵。