Atelier Vivanda (已結業)

法兰西•鸭肉批如果无职员介绍可能会高分d，佢介绍有橙味既醋腌制过，不但令鸭肉松化，仲会小小清新酸味味。以为系热食，一入口系冻。咬几下，食唔到平时食开鸭既味(拿，我唔系攞烧味饭只鸭黎比较🙈)，松化...唔...唔觉。至于清新味，沙律上面既醋有少少酸味，鸭批本身呢...唔...唔觉。整体黎讲，好唔好食...唔...唔觉。完。牛食•两味两个人饭饭既好处，系一人一半试新野。下面个块系Black Angus Persille，(中文要查字典，即系五花🤔，我唔系好识食好野，请揾到正解通知声🙏🏻) 肥肥地既，要嚼多几下，就feel到肉味浓。上面个肥师奶就劲，系澳洲籍，攞A5成绩既优异生，个种入口会融化既牛油香，多几多卡路里都抵。虽然窝心地有沙伴碟，不过最顶尽食半份，真系好油腻，好滞胃。