圓山台灣料理 (已結業)

本身我一年去几次台湾，最钟意就系去台湾食嘢，由夜市小吃、热炒、甜点、到饮料等等都无一不欢。疫情关系，我已经一年冇去过台湾。无论系台湾嘅风土人情、优美风景、美味食物我都挂念得很。正值爸爸生日，我决定公器私用，请爸爸去食一餐台湾菜，顺便安抚下自己嘅思念。打开餐牌，我已经眉头一皱，点解食物嘅内容有超过一半系川菜同广东菜呢？算数，都已成定局，就拣一啲台湾菜嚟叫。首先嚟嘅系一个小食，我哋食完都唔肯定个材料系啲乜嘢，中间应该系有咸蛋黄做材料，但系侧边白色位置我哋食完哂都唔知道究竟系鱿鱼定系蛋白定系其他嘢。跟住嚟嘅系三杯鸡，个煲拎到过嚟𠮶阵时系好香嘅，但系里面嘅鸡肉其实好少，味道亦都冇乜特别。跟住仲有叫咗个炒A菜，算系吵得唔错，好似鲜绿唔会炒过龙，但系都系冇乜特别。因为爸爸钟意食炸大肠，所以虽然唔系台湾菜，我哋都叫咗。大肠切得好细片，得廿片左右，爸爸赞赏佢好多旧都有将肠里面嘅肥肉都整走，但系我就食得好辛苦，我唔知因为咩原因我觉得呢碟大肠好臭，我喺其他地方食炸大肠都冇呢一阵臭味，我成日形住佢整得唔干净，所以都唔系好食得落。