長洲冰室

营业中

休息中

31/03/2018前一日路经呢间已经想食，因为门面装修好吸引但太饱所以留今日食，一早已经谂好要食佢个芒果糯米饭做早餐，说实话，我第一次食咋，好期待！早到咗，睇住佢开门，已经同时有三pair人即刻冲入去了心谂咁晒咁热边个会坐出面呀。但估唔到我落完order,已经满座了，劲！好多款野食，好彩一心谂住食芒果糯米饭，如果唔系有排选。「芒果糯米饭」好多椰汁！职员仲话唔够汁可以继续添！不过我觉得好够了，再加会变椰汁汤饭XD芒果好甜好正！绿色𠴱啲系班兰味糯米饭，好特别。男朋友嗌咗碗「紫米露豆腐花」，豆腐花少咗啲，但个紫糯米好好食！食到好饱，佢仲有好多款甜品仲未有机会试，下次再试！题外话，职员服务好好，但因呢度系自己买飞再自己揾位坐，所以基本上职员唔知边张枱嗌咗啲乜，成日大嗌餐no.拎住碗糖水周围揾人，有啲乱。