影片
更多
2013-12-11
3857 浏览
早排行海港城见到niji原来中环有做saturday 任食，于是就book左两位同老婆一齐去试下。原本订7点，但果日撞晒期，要打去推迟再推迟，结果去到果阵都已经7点45，好在话last order系9点，几惊叫得一轮就无得再叫。先讲下呢个任食系点任食，就系佢地畀左餐单你，你可以剔底入面既食物，再等佢地落单。佢地既食物分左几类：蛋包饭(呢间餐厅原来出名系呢样)、沙律、水煮蛋(又系一样出名菜，但我地无叫到)、汤、意粉饭、薄饼汉堡包等，同埋就系任叫烧牛柳。第一次叫就五样野食加两份牛柳个Parma ham沙律同出面坊间用料差唔多，d菜够新鲜，配个芝麻汁易入口，ok之后黎左南瓜汤同什菌汤，两个汤我都饮左啖比较，发觉个什菌汤就好浓好味得多，感觉到d好微细既什菌碎系个口入面，南瓜汤就无乜特别啰。 个鳗鱼蛋包饭就正啰，其实我地两个人已经叫左份细份，但都估唔到咁大，一人一半都好多，个蛋几滑，成份蛋做得好实，用汤匙勺起无话散开，厨房真系几有心机去整，鳗鱼唔腥，又大份，饭系混左鳗鱼汁同埋什菌炒过，三者配搭得好好，如果当系平时晚饭，叫呢个一个人食真系刚刚好。食完呢三样已经觉得有d唔对路，因为发觉自己好似叫得太
原本订7点，但果日撞晒期，要打去推迟再推迟，结果去到果阵都已经7点45，好在话last order系9点，几惊叫得一轮就无得再叫。
先讲下呢个任食系点任食，就系佢地畀左餐单你，你可以剔底入面既食物，再等佢地落单。佢地既食物分左几类：蛋包饭(呢间餐厅原来出名系呢样)、沙律、水煮蛋(又系一样出名菜，但我地无叫到)、汤、意粉饭、薄饼汉堡包等，同埋就系任叫烧牛柳。第一次叫就五样野食加两份牛柳
个Parma ham沙律同出面坊间用料差唔多，d菜够新鲜，配个芝麻汁易入口，ok
之后黎左南瓜汤同什菌汤，两个汤我都饮左啖比较，发觉个什菌汤就好浓好味得多，感觉到d好微细既什菌碎系个口入面，南瓜汤就无乜特别啰。
个鳗鱼蛋包饭就正啰，其实我地两个人已经叫左份细份，但都估唔到咁大，一人一半都好多，个蛋几滑，成份蛋做得好实，用汤匙勺起无话散开，厨房真系几有心机去整，鳗鱼唔腥，又大份，饭系混左鳗鱼汁同埋什菌炒过，三者配搭得好好，如果当系平时晚饭，叫呢个一个人食真系刚刚好。
食完呢三样已经觉得有d唔对路，因为发觉自己好似叫得太多咁...
然后呢两样就杀到...讲真...个薄饼无得挑剔，个饼底真系好脆，虽然已经有D野压住个胃，但食落口就真系好香口好好味，黑豚肉同个汁又夹，食完都唔觉得腻。
但系个意粉真系有D败笔啦，首先真系好油...好浆糊咁...叉起一注放入口...我食唔出D汁同黑松露既味，真系食两啖已经有D食唔开既感觉...勉强食一半，最后都系要放弃。
好在...好戏在后头
其实黎呢度食就系为左食佢...烧牛柳啦，即叫即整关系，落单食到咁上下先送上，然后第二轮再加单，又系等至少十分钟以上，如果钟意又唔等得，最好就早D落定单，咁就唔驶等太耐。讲番个味道，如图所见，比较生，rare至rare-med，出血...但其实我无话要咁生，似乎系无得要求几多成既...希望有其他食家将来可以话畀我知。
入口好嫩滑，d汁好多，好易咬烂，虽然生，但食落又唔觉重血腥味，食左一件，已经忍唔住立即想叉第二件。图中份量系两份(double portions)，两个人食完之后，我又要多两份，太太只系之后系再想既两份叉左一件，其他就我一个人食晒啦。
呢个时候已经好饱下，要饮番几啖柠茶等d野食落左格先，否则就食唔到甜品
栗子芝士蛋糕，呢个系唔包我地叫既任食入面，系额外既，系佢地个facebook赞一赞就有，味道ok，沾番碟边既糖浆或者朱古力粉会更入味。食埋个甜品先有时间四围望下，装潢简约，白加浅啡，坐系度食野个人会感觉好放松，又见佢地已经整左圣诞装饰，点缀左四周唔会觉得太单调同空洞。
整体而言，个任食真系唔错，唯一觉得有d怪系果d食物既份量真系几大下，感觉系佢地做番份正常晚餐set既份量畀你食，好似叫左一份细份既蛋包饭，都好似平时份量咁多，等你叫唔到几多牛柳食咁，如果人多五六个人去食真系几著数下，可惜我唔饮啤酒，否则可以加钱再任饮麒麟啤，下次再黎帮衬就唔会叫太多野食，专心食牛柳。
张贴
