獨當一麵 (已結業)

行去元朗揾野食，行经呢间食面店，睇下门口个牌写住 ( 胡椒猪肚鸡脚猪骨汤面 )，哗！我至爱既胡椒猪肚汤㖞，咪入去试下啰。当时下午三点几，店舖唔大，大约有十张八张台，无咩人。坐底第一时间望下胡椒猪肚鸡脚猪骨汤面价钱，$48！唔平㖞，胡椒猪肚汤饮得多，但用来面食就未试过，甚都要试架！先来一杯下午茶送既豆浆，有豆香味㖞，好滑香，正呀！胡椒猪肚鸡脚猪骨汤面，我要左上海粗面，但要加 $3 ，汤底有分４种辣，( o下！咩胡椒汤有得拣辣架咩？唔系一煲过架咩？）个伙记话，系猪骨汤底加上客人要求既胡椒辣度做既，一听就立刻失望啦，我想要既系胡椒汤呀！唔系加上去果种！咁第一时间饮下个汤先啦，有胡椒味，但更有好重既猪骨汤味，面弹牙，算唔错，有两只煲到淋晒，滑滑的，都算新鲜，入口即溶既鸡脚，有一旧猪骨，多条软硬适中而有香味既猪肚，除左汤底令我失望之外，整体都唔算差！沙姜鸡，鸡肉都新鲜既，但无沙姜味，若然唔当系沙姜鸡，当系普通蒸鸡，都好好味既！重有下午茶送既一条春卷，内里只有红萝白丝，棷菜丝，即系素春卷，只系脆口无咩香味！埋单 $51