翰林茶館 (已結業)

昨晚去了尖沙咀港威中心新开的翰林茶馆食台湾嘢，听闻这里的珍珠奶茶非常出名，所以抱着非常大的期望去试吓。以为会排晒长龙，所以急急脚去，谁知没有太多的人，可能未到晚饭时间，时间尚早。面或饭可以单叫，也可以叫套餐，套餐则多包一杯饮品、小食和甜品。见佢啲面食系一种叫铁观音味的面，感觉几特别，所以就叫一款红烧牛腩茶面套餐试吓。牛腩份量颇多，味道尚算OK，蔬菜配料有红萝卜和椰菜，汤底几好味，不会太浓，面的外型有啲似荞麦面，铁观音味不太觉，质地偏淋，如果烟银啲比较好。小食是炸墨鱼丸，弹牙好味，但外皮淋左啲，而且只得一粒太少。选择了翰林奶茶加白珍珠，未食过白珍珠，原来系比普通的size细好多，有啲似西米样，都算烟银，但由于太细粒，好容易未咬烂就几粒一齐吞咗落肚，有啲惊唔消化，味道一般啦，比期望还差一截。甜品则是一款叫黑糖丸子，有啲似雷沙汤丸但细粒D，但质感烟银，食到有黑糖味，但不是我杯茶。套餐要成百多元，又要加一，感觉有啲贵。