Lockeroom Dining (譽發廣場) (已結業)

平时喺旺角食得多，难得放假，就揾间有特色啲嘅Cafe众下旧。呢度以Asenral为主题，环境岩晒球迷，墙上挂满Asenral球衣/ Banner，朋友表示好岩同Brother一齐黎。环境有特色外，食物质素都好。点咗set，配有沙律、包、餐汤、饮品。纠结咗一阵食意粉定系锯扒，最后点咗波士顿龙虾配白松露忌廉扁面。意粉好有惊喜！忌廉汁好creamy，每一条意粉都挂到汁。松露味突出。龙虾半条来讲算几大，无论打卡同味道都好。龙虾表面有啲芝士。另外，女士唔使担心食到冇晒仪态，因为好容易起肉。朋友叫咗卡邦尼意大利面配温泉蛋，评价 ok ，赞creamy得黎唔会腻。呢度一定一定要加钱叫甜品，甜品半价，分别叫咗法式焦糖炖蛋同朱古力三重奏心太软。焦糖炖蛋真系用「蛋壳」装住，好有心机。值得一题呢度嘅碗碟都有足球色彩。秋意袭来，最啱就系食朱古力心太软，入面暖笠笠。一切就有朱古力酱涌出来，蛋糕湿润浓郁。相信唔系一定要做球迷，就算女仔黎食返餐好都系个好选择。