PizzaExpress (時代廣場)

营业中

休息中

Pizza Express 系其中一间我最喜欢嘅餐厅，因为食物能够保持水准。今晚因为coupon效应，所以又来吃啦。今次冇叫🍕，试咗以下三款食物：Leggera Superfood Salad每次见到呢碟沙律上枱，都超开心，未食已经觉得好健康，大大嘅碟，承载住满满嘅沙律菜，牛油果，红菜头，车厘茄，南瓜，青瓜，仲有松子仁，mozzarella cheese，绝对系健康之选。茄汁海鲜意大利粉上菜嘅时候仲系热腾腾，啱啱煮好，香气扑鼻。海鲜包括有大虾，细粒元贝，蚬肉，八爪鱼，当然仲有车厘茄，同味道啱啱好嘅茄蓉，意大利粉相当al dente.烤焗鸡翼配芥末酱汁呢个小食绝对系有惊喜，原本冇谂住拣呢款，但系为咗计啱条数用coupon，所以先拣😂，点知出奇地好味。因为鸡翼好大只，外皮焗得香脆，内里嘅鸡肉好有肉汁，仍然嫩滑。