有口福腩雜粉麵專家 (已結業)

叫了一碗崩沙腩粉米，因为睇相好靓，以为好正，点知返到去一打开，望落全部都系肥膏。仔细啲睇，每一嚿都夹住啲肉但系真系好少好少，最多肉果一旧以为有得食下，点知反转睇其实都系好多脂肪。个厨师刀功十分了得，可以砌到每一嚿牛腩都睇落去有一啲肉喺上面，但系其实全部食落去都系脂肪。佢啱啱开张嘅时候普通一碗牛腩河都唔错，而家佢既普通牛腩变到好似柴皮咁，崩沙腩贵啲以为好啲啦，但8成系肥膏。钟意食脂肪嘅可能好钟意，但系我来系食牛腩唔系食肥油，相片就啖啖肉，实物就啖啖油。攞啲咁既野出嚟畀人有啲被骗的感觉。因为佢𠮶张相系啖啖肉。记住呢间野，唔会再帮衬佢。