影片
更多
2013-03-26
541 浏览
闻说呢间啲嘢食都ok，终于有机会试吓。一试真系把几火连平时好少写comment，都不得不上黎写写，等大家去呢度食饭前可以作个参考六点几过到去，即刻有位。坐低谂咗一阵就叫嘢食。由于得三条友，所以都唔可以叫得太多嘢。先黎个芥兰煲上到枱劲大烟，搅到我劲咳。味就普普通通，不过不失再黎:全个名已经唔系好记得。好似系叫花雕浸萝卜冬瓜蟹。因为餐牌写住市价，叫之前问佢点卖。佢话至少三，四百蚊。讲讲吓，发觉佢根唔系讲紧另一种煮法。如果系花雕浸，花雕按只蟹几重，每斤好似二十蚊 (注意，餐牌没特别注明)。咁我哋就问佢会唔会秤完只蟹话返我地知有几斤呀，佢话唔会，只只差唔多重。因为我地唔多人，如果只蟹太大，都惊食唔晒。我地谂住叫过第二样。讲讲吓，唔知佢系唔系惊我哋唔要，就话可以帮我哋拣只细少少。顶，阿姐想点呀！问佢又话只只差唔多!算…照食味道都算几好，花雕味几重。咁浸法，啲萝卜同冬瓜都几好味跟住咸鱼煎肉饼配法包或猪仔包。落单𠮶阵佢有提醒我地有八件包同肉饼。怕唔怕食唔晒。我哋就问佢有无细d份量，佢一口话无。但又讲话可以著量减两件，咁即系点?即系有无呀？问佢咁如果减，咁又点计呢？佢依依俄依咁话照除，即系又点呀？结果
六点几过到去，即刻有位。坐低谂咗一阵就叫嘢食。由于得三条友，所以都唔可以叫得太多嘢。
先黎个芥兰煲
上到枱劲大烟，搅到我劲咳。味就普普通通，不过不失再黎:
全个名已经唔系好记得。好似系叫花雕浸萝卜冬瓜蟹。因为餐牌写住市价，叫之前问佢点卖。佢话至少三，四百蚊。讲讲吓，发觉佢根唔系讲紧另一种煮法。如果系花雕浸，花雕按只蟹几重，每斤好似二十蚊 (注意，餐牌没特别注明)。咁我哋就问佢会唔会秤完只蟹话返我地知有几斤呀，佢话唔会，只只差唔多重。因为我地唔多人，如果只蟹太大，都惊食唔晒。我地谂住叫过第二样。讲讲吓，唔知佢系唔系惊我哋唔要，就话可以帮我哋拣只细少少。顶，阿姐想点呀！问佢又话只只差唔多!算…照食味道都算几好，花雕味几重。咁浸法，啲萝卜同冬瓜都几好味
跟住
咸鱼煎肉饼配法包或猪仔包。落单𠮶阵佢有提醒我地有八件包同肉饼。怕唔怕食唔晒。我哋就问佢有无细d份量，佢一口话无。但又讲话可以著量减两件，咁即系点?即系有无呀？问佢咁如果减，咁又点计呢？佢依依俄依咁话照除，即系又点呀？结果唔理佢，照叫咗全份，食唔晒最多咪拎走。问佢可唔可以拣猪仔包定法包，佢话无，厨房钟意执乜就乜，咁就唔好写出黎啦味道:无乜咸鱼味既咸鱼肉饼。系个包几好食，想点呀？!
再黎
炸墨鱼丸。呢个唔系𠮶个阿姐落单，所以叫既过程无问题味道:都系普普通通，墨鱼丸味唔重，但炸粉唔厚，都系不过不失
总结:
食物质素:平平无奇。可能我地无乜叫佢海鲜价即海鲜关系卦
环境:都真系几嘈，想倾偈就唔好拣呢道。櫈，系普遍胶櫈，唔太舒服。值得赞吓枱下面有个位可以放袋，算系几好
服务质素:今时今日咁既服务态度超唔掂。食物质数唔算出色，但服务态度劲差劣，话自己出名系海鲜，感觉系出名海鲜价。原因除咗以上所提及，仲有好多。未食完，未叫埋单，又系同一个阿姐走埋黎问d野齐未，我话想要个盒拎走d野，佢话要收二蚊。二蚊个盒都算啦，跟住佢好叻咁拎张单埋黎话齐头八百蚊。佢咁样，我当然要计下条数啱唔啱，同埋佢都未俾个盒我，。佢好似惊我地走数咁，不停话转头俾我。我话完条数，一共系七百九十八蚊，唔系差唔差个两蚊，宜系佢咁既服务质素同食物水准，仲要已经加咗服务费，俾多一毫子贴士佢都嫌多。佢仲要咁四写五入，我真系唔会俾呃啰。我话佢计错数，佢又拎番去计，结果系我啱。佢就问我要盒要唔要胶袋，我问又要收几钱呢？佢话收多一蚊。超级市场胶袋都系五毫，佢个超精美胶袋点解要一蚊呀？我话唔驶啦！结果佢好唔愿找番两蚊俾我个阵，仲好唔愿意咁拎埋个盒同胶袋过黎。真系唔该晒
价钱:我谂咁既食物质素同服务态度要咁即价钱真系唔成正比。唔通真系出咗名就可以咁
如果真系想试下呢间食市，真系要好好谂清楚。唔想受气千奇唔好考虑
张贴
