甜品莊

营业中

休息中

最近又去甜品庄食甜品，已帮衬咗2年，一向都好好食，但近几个月去食发觉不但service差，连食物水准都下降。先讲service，以前老细会亲自安排座位和落单，仲会跟食客倾几句，睇下有咩要改善。如要食热梳乎里，会叫食客半个钟前打电话去预订，去到时就即刻有得食。可是上个月打电话去落order，佢地话烦忙时段唔做，只系下午无乜人嘅时候至做。其实呢款甜品好多人食，都系因为好食至黎，有啲人仲系山长水远黎食。当职员咁讲时我已觉得呢度换咗老细，既然食唔倒梳乎里就食第二样。去到时好多人排队，职员好似好有系统咁喺门口安排座位(当时职员有几个，全部未见过)，当轮到我地有位时就安排坐低和落单，但态度有啲差，唔似以前啲咁有礼貌。呢次之后到前几日再去帮衬，不但service差，连食物味道都不知所谓！一向食开嘅蛋白杏仁茶系我食过最好食嘅，好香杏仁味，落order时即刻加蛋白煮，真系好好食。但今日再食时简直似一碗加咗少少杏仁味嘅热水，淡而无味，清澈见底。另外order咗焦糖香蕉pancake，啲pancake太硬，似饼干，焦糖有苦味，连旧雪糕都唔够creamy。换咗老细后越来越差，对呢度好失望，唔会再帮衬！