御品軒 (已結業)

当日同老公经过世贸中心附近揾地方食晚食, 见到一间似系糖水舖又有面食的店, 睇下门口餐牌上的价钱都可以, 环境ok, 就决定入去试下......店员叫我地上楼上坐, 当见到条又窄又长的楼梯已经唔想上, 上到楼上原来安排坐张中央大枱, 即系要搭枱, 简直似一家人食饭, 你眼望我眼...都算啦....我地叫咗一碗"御品鲍鱼饺拉面" $28.-, 拉面都可以, 但系鲍鱼饺系苦>.< ,一碗"崩砂切片鲍鱼面"$48.-, 点之, 店员落错单, 变咗无鲍鱼, 最后叫咗一碗"御品水饺", 送来时只得微温(好过冻) $20.-...食落唔好味....虽然仲可以叫甜品, 都无叫, 真系对店内食物无晒信心...万二分唔掂, 唔会再去, 要搭枱唔出声, 店员落单又唔写枱号, 经常攞住啲食物行来行去, 虽然食物名称写得好好听, 什么什么"御品乜", 好吸引, 但系绝对两回事.... >.<