I's Land Cafe (已結業)

呢间系我一直想食嘅cafe，星期六去到大约13:20，无订位但唔洗等已经可以入坐。坐低咗之后侍应就放下2杯水及3份menu (holiday lunch、afternoon tea、drink & dessert menu)，我拣咗all day breakfast $98，老公就拣咗个burger餐 $98。先嚟松露忌廉餐汤及面包，'毕'个汤时见佢杰挞挞都心知不妙，饮嘅时候仲有d一旧旧嘅粉团，个汤味道系ok嘅，但质素就真系唔得之后嘅burger同炸薯角味道都ok。到我嘅all day breakfast喇，成碟野一望已知中晒伏，menu上说好的"香脆牛角包"呢？我眼前系一个好似炸好咗而又放咗好耐嘅油炸鬼咁，淋而韧，切开都有难度果只。炒蛋好老、慢煎蕃茄同生嘅无咩分别，好硬仲要有蕃茄粒「顶」，黑毛猪肉肠同烟肉质素都好唔ok，味道最正常系茄汁豆同紫薯蓉，我觉得食物质素同价钱完全唔成正比。原本下个月谂住同朋友食佢个afternoon tea，而家已打消念头了。走嘅时候见到门口好多人等位，但我永远都唔会再嚟。