御八築地 (已結業)

以前喺大埔都有一间御八筑地，当时食物非常高质。见到上水有所以就怀住兴奋嘅心情嚟食，点知食物嘅质素令我哋有所失望。首先讲吓个环境，入到嚟有种感觉唔太干净，光线又非常暗，连座位都坐得非常唔舒服。我哋想叫嘅灸烧寿司系列全部都冇，然之后我哋叫咗三文鱼寿司，海胆墨鱼等等。鱼生唔多新鲜，但好彩我哋都冇叫太多。我哋再叫咗牛油果软壳蟹卷同火龙卷。呢两样卷就都系普普通通，但对比起鱼生寿司系叫正常发挥。其实我哋仲叫咗其他嘢食，包括蟹籽沙律、鸡泡鱼干同牛油带子。稍为出色嘅只系鸡泡鱼干同牛油带子。呢两样都要趁热食，如果唔系又要失望而回啦！