金苑粉麵

营业中

休息中

关于粉面店，自己一向中意广东式，贪佢够浓味，而另一种系潮州式，汤底又淡D，又落D我唔中意嘅唐芹，牛腩味道更淡，唔夹自己口味.所以，系屋企隔离街哩间金苑粉面档，系潮州式粉面店，从未帮衬过，今次帮衬只因为佢地有鲜鱿鱼须，而我又突然想食.另外哩间潮州粉面店又有D奇特，除咗有鱿鱼须之外，又有泡饭，鱼面，猪油渣，奇奇怪怪又有生炸猪扒，炸猪颈肉同香茅鸡翼，当然.... 多D选择系好事.再留意环境，感觉系好乱..... 同埋唔多干净.....女友小熊点咗碗水饺鱼蛋河扣底，我叫咗个净紫菜四宝，重点当然系鲜鱿鱼须啦!希望愈大失望愈大! 鲜鱿鱼须就只有弹牙，完全无鲜甜味! 好似食擦胶！但擦胶都起码有胶味！份量又少，偷工减料！水饺鱼蛋河扣底都重有好多河粉，好明显无扣底，水饺有原只弹牙鲜虾，而潮州鱼蛋超弹牙，汤底就唔好提了....我果碗净紫菜四宝，人地通常落鱼扎佢地就落扎肉，另外有鱼皮饺，贡丸同猪肉丸，落单时要求多腩汁，但汤底仍然偏淡，鱼皮饺馅料又实皮又实，食一粒已经一半饱肚，相信食一打再加半个光酥饼已经可以行走天下!其他丸都系一贯水准之作.服务就超顶引，叫佢扣底无扣底，都算，小熊点汽水侍应问小熊罐装定支装，