見見面 (打鼓嶺道)

营业中

休息中

我之前介绍咗朋友去北角一间食酸菜鱼我自己觉得非常之好食，但朋友话佢觉得另外一间俾我介绍的更加好味，搞到我心思思，今日趁有时间即刻去食。去到见到门口有两个大大灯笼挂住，好有中国气息，入到天花同样挂住一些灯笼，装修都古香古色。一坐低台面摆了两套食具，写住家的味道，好温暖。好期待食这间的酸菜鱼，scan咗个QR code，即刻点大盘酸菜鱼，鱼我点了原条生鱼，因这是大盘份量所以食完唔够再点其他食物。期待已久，主角终于出场，我哋叫咗小辣，所以辣椒并不多，急不及待先饮一口汤，入口甜酸适中，香浓带小辣，汤头味道唔错。鱼肉也够大片，但可能腌制得太耐食落没有什么鱼味，用筷子夹起就碎，而且汤内没什么配料，只有一些酸菜几片萝卜，仲有大量的姜，同我想像中好味道的酸菜鱼，仲有一大段的距离，所以食完大盘酸菜鱼后都冇心机再叫其他食物然后就埋单走人，另外值得一提的是饮完碗鱼汤，一路都好口喝，应该也是加了不少味精吧。