樂面牛屋 (已結業)

铜锣湾行街时，正值午餐时间，又岩岩行经尼间台湾乐面牛屋，本身对台湾料理都几钟意，就决定试下如何 ，餐厅环境都算干净，座位就比较逼，落位基本无多余空间给你郁到手脚，不过系香港呢种情况都可以理解到。落单，决定要我最钟意嘅招牌红烧牛肉面，当时心情都好期待。五六分钟后，面上台，见到摆系上边嘅牛肉，已经觉得不对路，试著一啖，即刻大失所望，68蚊一碗的红烧牛肉面，得三片薄牛展，仲系干干硬硬果只，完全唔系红烧牛肉应该有嘅款，试过唔少台湾红烧牛肉面，香港就有小王同茶木，虽然品质各有不同，但正宗台湾红烧牛肉面里的大块炖煮牛肉就一定不会缺席。而讲返尼间乐面牛屋，以三片配料来睇，碗面就给人觉得完全系既不正宗，又贵得无晒性价比可言，真系唔会去第二次。